web counter
LEXO PA REKLAMA!

SHKARKO APP

E fundit!

x

Topalli, mesazh për ambasadoren Yuri Kim/ I kujton deklaratën e Hillary Clinton për Berishën

5 Prill 2023, 22:26, Politikë CNA
Topalli, mesazh për ambasadoren Yuri Kim/ I kujton deklaratën e
Anëtarja e Kryesisë së PD-së, Jozefina Topalli

Ambasadorja e SHBA-së në Tiranë, Yuri Kim, deklaroi ditën e djeshme se personat “non grata” nuk duhen votuar nga qytetarët në zgjedhjet e 14 majit, duke iu referuar kryetarit të PD-së, Sali Berisha.

Mbrëmjen e sotme ka reaguar anëtarja e Kryesisë së PD-së, Jozefina Topalli, e cila tha se Kim ka bërë edhe më parë një deklaratë të ngjashme.

“Jemi në fushatë elektorale. Edhe një vit përpara kemi pasur një deklaratë të ngjashme kur ishin zgjedhjet e 6 marsit. Ku thuhej që kandidatët e Berishës nuk kishin asnjë ofertë”, u shpreh ajo.

Topalli tha se akuzat për Berishën i kujtojnë kohën kur ish-sekretarja amerikane e shtetit, Hillary Klinton e cilësoi Shqipërinë nën qeverisjen e PD-së si kohën kur në Shqipëri ekzistonte demokracia funksionale.

“Akuzimi i Berishës për korrupsion thelbësor dhe minimin të demokracisë më kujton një gjë. Unë kam qenë kryetare e parlamentit kur erdhi Hillary Clinton në 100 vjetorin e pavarësisë. Ka mbajtur një fjalim që elektrizoi sallën, ajo ka një frazë në mes të fjalimit: Nëse doni të shihni një demokraci funksionale, ejani se do ta gjeni në Shqipëri. Dhe flitet për kohën kur Berisha ishte kryeministër”, theksoi anëtarja e Kryesisë së PD-së./ CNA.al





Lajmet e fundit nga