web counter
LEXO PA REKLAMA!

SHKARKO APP

App Store
Google Play

Shqipëria, marrëveshje me Emiratet Arabe për sigurinë kibernetike/ Rama: Kanë qenë gjithmonë pranë nesh

6 Prill 2023, 15:33, Politikë CNA
Shqipëria, marrëveshje me Emiratet Arabe për sigurinë
Kryeministri Edi Rama

Shqipëria ka nënshkruar një marrëveshje strategjike me Këshillin e Sigurisë Kibernetike të Emirateve të Bashkuara Arabe.

Gjatë fjalës së tij në ceremoninë e nënshkrimit, kryeministri Edi Rama tha se Emiratet e Bashkuara kanë qenë gjithmonë të pranishme sa herë Shqipëria ka pasur nevojë për ndihmë.

Kryeministri u shpreh se marrëveshja do të përmbajë programe të qëndrueshme bashkëpunimi.

Ndër të tjera, Rama tha se marrëveshja ka një rëndësi të madhe strategjike, ka ta bëjë me integritetin dhe sovranitetin e vendit.

“Më lini t'i shpreh mirëseardhjen nga zemra ministrit të Punëve të Jashtme të Emirateve të Bashkuara Arabe në Shqipëri. Emiratet e Bashkuara është një vend që ka qenë i pranishëm kur ne e kemi pasur më të nevojshme për të mos u ndier të vetëm. Duke e nisur me eksodin e madh masiv të shqiptarëve të Kosovës drejt Shqipërisë kur presidenti aktual i Emirateve të Bashkuara, i shoqëruar nga një grup i madh njerëzish për të sjellë ndihmë e lehtësim dhe kur u hap rruga për uljen e avionëve në Kukës për të ndihmuar ata që ishin shumë në nevojë.

Miqësinë e kemi ndier dhe më duhet të them që vitet e fundit kanë shenjuar zhvillime tejet pozitive. Si dëshmitar i vullnetit të plotë të Emirateve të Bashkuara Arabe për t’u bërë pjesë e një rrugëtimi të gjatë por edhe për të bërë gjithçka për procesin e normalizimit mes Serbisë dhe Kosovës si dhe për t’u siguruar që të gjitha vendet bashkë të marrin gjithmonë e më tepër së bashku në të ardhmen dhe të jenë më pak të lidhur me të shkuarën. Nuk është motivim i mirë nëse nuk shohim arsye për të vrapuar drejt së ardhmes.

Miku im, e di që keni shumë punë, duhet të shkoni nga njëra pikë në tjetrën. Jeni gjithmonë në vrap e sipër, por nuk ju kam zili. Ne ju vlerësojmë e jemi të bekuar që kemi qenë kaq të privilegjuar për këtë periudhë historike që pas një izolimi të gjatë mundëm të takojmë njerëz si ju dhe si popullin e emirateve që na e bëjnë jetën më të bukur se jo vetëm s’ndihemi vetëm, por jashtë mase të respektuar”, u shpreh ai ndër të tjera./ CNA.al





Lajmet e fundit nga