web counter
LEXO PA REKLAMA!

SHKARKO APP

App Store
Google Play

Berisha, mesazh emigrantëve nga Kukësi/ Ejani më 14 maj të firmosim ndryshimin

6 Prill 2023, 20:12, Politikë CNA

Berisha, mesazh emigrantëve nga Kukësi/ Ejani më 14 maj të

Kryetari i Partisë Demokratike, Sali Berisha, ndodhet sot në Kukës, ku ka prezantuar kandidatin e koalicionit “Bashkë Fitojmë”, Admir Sinamatin.

Gjatë fjalës së tij, Berisha dha edhe një mesazh për emigrantët. Ai i kërkoi atyre të kthehen në Shqipëri më 14 maj dhe të firmosin ndryshimin me votë.

“Tani që po vija tek ju, përtej tunelit në Fanë, takova një grup mirditorësh të cilët kishin takim elektoral me Albert Melyshin, kandidatin tonë. Një çift nga Kosova u ndal dhe kërkoi të bënim një fotografi, më falënderuan për rrugën; u thashë falënderoni edhe këta burra që janë këtu me mua. Dhe u rikujtova se si Edi Rama, i nisi deputetët me jorganë e batanije, e jastëkë, për të shpallur grevë urie në tunel, por ata i përzunë, i përzunë, shkoni i thanë se nuk jeni shqiptarë ju që doni të bllokoni ndërtimin e tunelit.

Sot kudo ka një atmosferë të jashtëzakonshme, sot kudo demokratët dhe mbështetësit e tyre janë në këmbë, sot epërsia morale është me besimtarët e Zotit, besimtarët e lirisë.

Ndaj dhe ju ftoj ju më 14 maj, ftoj çdo qytetare dhe qytetar të këtij rrethi, ftoj emigrantët tanë nga ky qark, kudo që janë, nga Shqipëria kudo që janë, të vijnë në 14 maj dhe të firmosin fitoren, të firmosin ndryshimin. Ftoj çdo socialist, çdo paparti të bashkohet me ne në këtë betejë”, theksoi Berisha./ CNA.al





Lajmet e fundit nga