web counter
LEXO PA REKLAMA!

SHKARKO APP

App Store
Google Play

Veliaj, akuza opozitës/ Thirrje demokratëve të Kamzës: Bashkohuni me ne

6 Prill 2023, 20:17, Politikë CNA
Veliaj, akuza opozitës/ Thirrje demokratëve të Kamzës:
Drejtuesi politik i qarkut të Tiranës për Partinë Socialiste, Erion Veliaj

Nga Kamza, gjatë prezantimit të kandidatëve të rinj për Këshillin Bashkiak, drejtuesi politik i qarkut të Tiranës për Partinë Socialiste, Erion Veliaj, hodhi akuza ndaj kryetarit të PD-së, Sali Berisha dhe kryetarit të PL-së, Ilir Meta.

Veliaj  i cilësoi kandidatët e opozitës si kukullat e radhës të Saliut dhe Ilirit, ndërsa pretendoi se këta të fundit janë mjeshtrat që lëvizin telat e kukullave.

“Ju mendoni se unë e kam këtë debat me dhëndrin tonë këtu në Tiranë, që po kandidon për Saliun? Jo mor jo, këta janë kukulla të shkretët. Këta janë kukulla për ata që janë mjeshtra të kukullave. Njëherë kishim kukullat me tramin, tani e kemi me taksi dhe me aviona falas. Është kukulla e radhës, por nuk e kemi ne as me policin, as me parukierin, as me dhëndrin tonë. Ne e kemi me ato që janë mjeshtrat e vërtetë. Të gjithë e dimë që mjeshtrat e vërtetë, ata që janë non grata dhe që Shqipërinë duan ta çojnë gjithmonë e më mbrapa për hallet e tyre, jo për hallet e komunitetit, janë Saliu dhe Iliri. Ndërkohë që, Shqipëria me Edi Ramën dhe Rakip Sulin duhet të vazhdojë përpara dhe jo mbrapa. Dhe kjo është diferenca”, u shpreh ai.

Më tej, Veliaj ftoi demokrastët e Kamzës që t'i bashkohen Partisë Socialiste sepse aty punohet dhe nuk lihet detyra përgjysmë. 

"Miqtë e mi, unë dua që këto 37 ditë të flasim edhe me palën tjetër. Vota është një gjë e shtrenjtë, por është kontratë. Ne Rakipin po e marrim në punë, nuk po e marrim dhëndër. Ne duam një kalë të fortë që mund të mbajë pesha dhe nëse ka mbajtë pesha gjatë pandemisë dhe tërmetit, të mbajë edhe pak më shumë pesha. Po e marrim si shërbëtor, por ata që ikin 4 vjet nga puna nuk mund të jenë shërbëtorët tanë. Si mund të bësh një kontratë me dikë që ta lë në derë, ta lë në derë dhe ikën. Ndaj, miqtë e mi dua që të flasim me kolegët e tjerë, nuk janë armiqtë tanë,  janë motra dhe vëllezër", deklaroi kryebashkiaku i Tiranës./ CNA.al





Lajmet e fundit nga