E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Habit Roland Bejko/ E ça se po doli PD forcë e tretë, jeta vazhdon!

6 Prill 2023, 22:13, Politikë CNA

Habit Roland Bejko/ E ça se po doli PD forcë e tretë, jeta

Kandidati i PD-së së vulës, Roland Bejko

Kandidati i PD-së së vulës, Roland Bejko ka habitur me një deklaratë të bërë mbrëmjen e sotme përsa i përket rezultateve të zgjedhjeve të 14 majit.

Gazetari Armand Shkullaku i vuri në dukje se me të PD mund të dalë edhe forcë e tretë në zgjedhje, ndërsa Bejko është shprehur moskokëçarës për rezultatin.

Ai tha në emisionin “Të paekspozuarit” se nuk i bën përshtypje nëse PD del forcë e tretë, pasi jeta vazhdon.

Pjesë nga biseda:

Armand Shkullaku: Nëse LSI, meqë thoni se Belindi është kandidat i LSI, merr më shumë vota se PD, ky është problem shumë i madh.

Roland Bejko: E ça pastaj? Jeta vazhdon! Sot je minorancë, nesër mazhorancë. Jeta politike vazhdon.

Armand Shkullaku: Zhvejku ka thënë, njeriu mund të bëjë çfarë të dojë por nuk ka lezet. Çfarë ndodh nëse PD del forcë e tretë?

Roland Bejko: E ça pastaj? Do të vazhdojë të punojë që në 2025 të dalë forcë e parë. Erdhi i zoti (Berisha) e ndau PD-në në 400 copa, kemi thënë zotëri mos u kthe se e ndave PD-në.

Armand Shkullaku: Basha dha dorëheqjen sepse në 6 mars PD doli forcë e tretë, pas “Shtëpia e Lirisë”, që nuk e kishim dëgjuar ndonjëherë. Duhet të pranojmë faktin që Berisha është shumicë në atë parti.

Roland Bejko: Ai nuk është më në PD tani.

Armand Shkullaku: Nëse doni të bëjmë teatër pastaj... Jam dakord se si mund të rritet PD "euroatlantike" dhe ju si kandidat… Tani, keni si bosht të fushatës, Erion Veliajn, apo do të synoni të dobësoni LSI-në dhe “non-gratën” brenda LSI-së? Kush do të jetë objektivi juaj?

Roland Bejko: Ta thashë. Jemi në këtë fushatë më fokus të qartë, t’ju heqim kthetrat nga Tirana këtyre që e kanë, të gjithë së bashku.

Armand Shkullaku: Pra Erion Veliaj?

Roland Bejko: Për mua Erion Veliaj dhe Këlliçi janë të punësuarit e shefave.

Armand Shkullaku: Ashtu marrim zotin Cako të na e shpjegojë…/ CNA.al