web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për Becchetti-n, Berisha: Dënoj deklaratën e Ramës për daljen nga arbitrazhi

7 Prill 2023, 13:07, Politikë CNA

 

Vendimi për Becchetti-n, Berisha: Dënoj deklaratën e Ramës

“Dënoj deklaratën e Ramës për daljen nga arbitrazhi, fatura e proceseve shkon së paku 600 milionë euro”. Kështu deklaroi kreu i Partisë Demokratike, Sali Berisha, gjatë një bashkëbisedimi me gazetarët këtë të premte.

Teksa foli për çështjen “Becchetti” ai nënvizoi se Arbitrazhi Ndërkombëtar është nën ombrellën e Bankës Botërore, rrjedhimisht të OKB-së.

“Kjo pasi institucionet e Bretton Woods, BB, FMN dhe IFC, janë institucione të OKB-së. Arbitrazhi i kësaj organizate është i detyrueshëm për të gjithë anëtarët, për të gjithë vendet anëtare të BB dhe OKB. Edi Rama, për shkak të korrupsionit të tij të tmerrshëm, kërkon të ndëshkojë Shqipërinë, tani jo vetëm 110 milionë euro sa është gjoba, por në shumë e shumëfishin e saj, për të mos thënë 100-fishin e saj. Po në këtë arbitrazh dhe arbitrazhe të tjera, janë një seri procesesh të cilat shkojnë më së paku, 600 milionë euro. 300 milionë euro shkon vetëm arbitrazhi për licencën e naftës që iu hoq një kompanie për t’iu dhënë një kompanie ruse të Duçkës, Nezës dhe McGonigal”, u shpreh ai.

Pas mbledhjes së qeverisë, kryeministri Edi Rama tha se është skandaloz vendimi i Gjykatës Ndërkombëtare të Arbitrazhit për Becchetti-n që Shqipëria duhet të paguajë 110 mln euro. Rama shtoi se po analizojnë daljen nga ky juridiksion.

“Temë e dashur pë ata që mendojnë se e mira e tyre është e keqja e Shqipërisë dhe që gëzohen që sa herë ka një lajm të kësaj natyre, në vend që të revoltohen që një kriminel i gjykuar dhe dënuar për 17 vite burg për mashtrim të shtetit shqiptar, arrin të çajë rrugë në një gjykatë me të cilin ne do të hapim probleme të mëdha duke filluar nga java e ardhshme. Po analizojmë mundësinë e daljes nga ai juridiksion se është skandaloze ajo që ka ndodhur”, u shpreh ai.

 

 





Lajmet e fundit nga