web counter
LEXO PA REKLAMA!

SHKARKO APP

App Store
Google Play

Qeveria i rrit pagën Presidentit Begaj/ Sa do të paguhet Kreu i Shtetit

7 Prill 2023, 14:44, Politikë CNA
Qeveria i rrit pagën Presidentit Begaj/ Sa do të paguhet Kreu i
Ministrja e Financave Delina Ibrahimaj

Pas mbledhjes se qeverisë, në një deklaratë për mediat, Ministrja e Financave Delina Ibrahimaj, ka bërë me dije vendimet e marra, ku ndër të tjera ka zbuluar se është miratuar ligji me anë të cilit do të bëhet rritja e pagave në bazë të hierarkisë.

Ligji i miratuar ka parashikuar dhe rritjen e pagës së Presidentit të Republikës, Bajram Begaj, rroga e të cilit do të shkojë në shifrën 425.000 lekë.

“Ne sot miratuam ligjin i cili reflekton hierarkinë e re të pagave për institucionet kushtetuese, institucionet e pavarura, ligji cili i hap rrugën Këshillit të Ministrave për ristrukturimin e formulës së pagave në vend. Ishte e nevojshme, kishte kohë që qeveria e mendonte ta bënte një ndërhyrje të tillë.

Duke vazhduar me gjithë logjikën e hierarkisë së pagës, kemi dashur të ketë stimul për t’u rritur në detyrë për shkak të pagës.

Kemi krijuar një sistem i cili jo vetëm na bën kompetetivë me tregun privat, dhe e kam fjalën këtu me ata sektorë që janë të ngjashëm me administratën publike, por edhe brendapërbrenda institucioneve shtetërore.

Elementet specifike të rritjes së pagave do të detajohen me vendime të Këshillit të Ministrave. Në ligjin që sapo miratuam ne kemi miratuar një rritje të qenësishme të pagës së Presidentit të Republikës, niveli i pagës së të cilit shkon 425 mijë lekë dhe po ashtu kemi parashikuar gjithë hierarkinë e gjithë institucioneve të pavarura”,-tha ministrja Ibrahimaj./ CNA.al





Lajmet e fundit nga