E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Indrit Hoxha, kandidat i opozitës për Vorën/ Berisha: S’ka të krahasuar me kandidatët e Ramës

7 Prill 2023, 18:40, Politikë CNA

Indrit Hoxha, kandidat i opozitës për Vorën/ Berisha: S’ka

Kryetari i Partisë Demokratike, Sali Berisha, ka prezantuar pasditen e sotme në një takim me qytetarët e Vorës, kandidatin për këtë bashki, Indrit Hoxhën.

Berisha tha se Indrit Hoxha do jetë shërbëtori i përulur i qyettarëve që do të bëjë me përkushtim gjithçka për të menaxhimin më transparent të burimeve e taksave.

Ai tha se Hoxha nuk ka të krahasuar me kandidatët mazhorancës, për të cilët pretendon se nuk përfaqësojnë as socialistët dhe as mbështetësit e PS-së, por krimin.

“Jemi sot këtu për të paraqitur kandidatin për kryetar bashkie. Në dallim nga paraqitjet e mëparshme, vijmë sot me një kandidat që ju e keni votuar, me kandidatin e Primareve, të lirisë. Indrit Hoxha e kandidatët e koalicionit, për herë të parë në 32 vite nuk janë kandidatë të kryetarit dhe kryesisë së partisë, por të vullnetin dinjitetit e votës suaj.

E them këtë sepse për njeriun e lirë kuptimi më i thellë i lirisë, është dinjiteti i njeriut, në këtë kontekst ne deleguam tek ju zgjedhjen e kryetari të partisë, kandidatit për kryebashkiak, nesër të deputetit, dhe ju garantoj se do jeni vendimmarrës absolut për përfaqësuesit tuaj.

Ky faktor është mirëpritur nga demokratët, simpatizantët dhe mbarë shqiptarët. Krahasoni Indrit Hoxha me kandidatët e partisë së Ramës.

Kandidatët e tjerë janë ata që pas mesnate dolën nga zyrat e PS pa u pyetur asnjë socialist i vetëm, mbajnë dy-tre emra, nuk përfaqësojnë socialistët dhe mbështetësit e PS, por krimin, bandat organizatat kriminale shtetërore dhe jo. Ky është një dallim i madh.

Ndaj siç jeni dëshmitarë, kudo nga jugu në veri ka një epërsi morale të opozitës dhe nga kandidatët e lirisë, kjo ka sjellë një frymë fitorjeje që Shqipëria nuk e ka patur ndonjëherë më të fuqishme që nga ‘92.

Indrit Hoxha do jetë shërbëtori juaji përulur që do bëjë me përkushtim gjithçka për të menaxhimin më transparent të burimeve e taksave tuaja, si dhe çka në dorë me këshillin bashkiak për të lehtësuar barrën e detyrimet tuaja të pamerituara ndaj shtetit e bashkisë”, theksoi kryedemokrati./ CNA.al