web counter
LEXO PA REKLAMA!

SHKARKO APP

App Store
Google Play

E fundit!

x

“Realist dhe vendos në qendër qytetarin”/ Berisha: Edvar Kodheli do përmirësojë jetën tuaj

8 Prill 2023, 19:26, Politikë CNA
“Realist dhe vendos në qendër qytetarin”/ Berisha: Edvar
Kreu i Partisë Demokratike, Sali Berisha

Kreu i Partisë Demokratike, Sali Berisha ka prezantuar kandidatin e koalicionit “Bashkë Fitojmë” për Bashkinë e Fierit, Edvar Kodheli.

Gjatë fjalës së tij përpara qytetarëve të Fierit, Berisha ka çmuar dy cilësi të veçanta të Edvar Kodhelit, që vendos në qendër qytetarin dhe së dyti që është realist.

“Është një nder i veçantë për mua, është një kënaqësi e madhe për mua të vij sot këtu dhe të paraqes kandidatin për kryetar Bashkie, Edvar Kodhelin, i cili, e vërteta është se nuk është kandidat i Sali Berishës, i kryesisë së PD-së, por i juaji, demokrate e demokratë të Fierit, i votës tuaj, vullnetit tuaj dhe unë e mbështes me të gjithë fuqinë time, me të gjitha mundësitë e mia. Edi, Eduarti, Sofia, Aureli, Erditi, dhe të gjithë kandidatët tanë nga jugu në veri, janë kandidatët të votës së lirë, kandidatë të vullnetit tuaj, kandidatë të një standardi më të avancuar që ekziston sot. Unë ndoqa me shumë interes fjalën e Edvar Kodhelit, fjalë e cila shquhej nga dy tipare themelore.Së pari, vendosja e qytetarit në epiqendër dhe së dyti një realizëm i madh”, tha Berisha.

Berisha më tej në fjalën e theksoi programin që do të ndjek Edvar Kodheli duke i renditur qytetarëve përmirësimin e shërbimeve, klimën ndaj biznezit , veprimatinë e fermerëve , sishtemin arsimor dhe atë shëndëtësor.

“Ju garantoj se Edvar Kodheli, kryetar i një bashkie dhe një moment që PD nuk është akoma në pushtet, por ka pushtet të fuqishëm të dhënë nga ju, për të përmirësuar në mënyrë thelbësore jetën tuaj, për të përmirësuar në mënyrë thelbësore shërbimet ndaj qytetarëve, për të përmirësuar në mënyrë thelbësore klimën ndaj biznesit, për të përmirësuar në mënyrë thelbësore veprimtarinë e fermerëve tanë, për të përmirësuar në mënyrë thelbësore sistemin arsimor, shërbimin shëndetësor",theksoi Sali Berisha.

Ndër të tjera kryedemokarti në fjalën e tij përmendi dhe filozofinë e ndjekur nga Partia Demokratike e cila vendos në epiqendër qytetarin dhe respektin për qytetarin.

"Dhe ky pushtet buron para së gjithash nga vendosmëria e tij për të përdorur me transparencë para jush, çdo qindarkë të taksave tuaja. Buron nga vendosmëria dhe detyrimi i tij për të zbatuar filozofinë e partisë konservatore demokratike, filozofi e cila ka në epiqendër familjen, respektin, mbështetjen e saj, ka në epiqendër dinjitetin e saj dhe respektin ndaj njeriut. Ka në epiqendër taksat e ulëta.

Taksat e ulëta janë një kusht themelor i suksesit të biznesit. Taksat e ulëta janë një kusht themelor, i dy dhe trefishimit të bizneseve në qytete. Taksat e ulëta janë një gjenerator i fuqishëm i krijimit të vendeve të punës. Por, po kështu kryetari i ardhshëm i bashkisë, në zbatim të programit të PD, do të ketë një interes madhor për fermerët në të 4 anët e këtij qarku”, deklaroi ai./CNA.al





Lajmet e fundit nga