web counter
LEXO PA REKLAMA!

SHKARKO APP

App Store
Google Play

Denoncon Këlliçi/ 60% e buxhetit të bashkisë shkon për dieta, rroga dhe makina me qira

10 Prill 2023, 09:21, Politikë CNA
Denoncon Këlliçi/ 60% e buxhetit të bashkisë shkon
Belind Këlliçi, kandidati i opozitës për Bashkinë e Tiranës

Belind Këlliçi, kandidati i opozitës për Bashkinë e Tiranës, u ka bërë thirrje qytetarëve të kuptojnë se si bashkia po i vjedh dhe po keqpërdor buxhetin.

I ftuar në një emision, Këlliçi është shprehur se në 8 vite, në prag të zgjedhjeve, bashkia ka nisur të shtrojë rrugën.

Ai ka përmendur dhe aferën me rrugën "Xhon Belushi", duke e quajtur skandaloze, ku bashkia nis punimet pa u shpallur fituesi i tenderit.

“Qytetarët në Tiranë duhet të kuptojnë si vidhen, si keqpërdoret buxheti.

I ftoj që t'i thërrasin pak memories. Kur është hera e fundit në 8 vjet që bashkia ka shtruar një rrugë, së fundi ka nisur të shtrojë rrugë në prag të zgjedhjeve.

E nisa me 'Xhon Belushi', ishte një aferë skandaloze. I bënte tenderat vetë”, tha Këlliçi.

Më tej e ka vijuar denoncimin duke thënë se 60% i buxhetit të bashkisë shkon për rroga, për dieta, për makina me qira dhe rikonstruksione zyrash dhe byftek 1 mijë euro.

“Bashkia 60% të buxhetit e ka për rroga, për dieta, për ka makina me qira, për rikonstruksione zyrash.  Është qesharake, këto para mund t’i përdorë për qytetarët dhe problemet e tyre”, tha Këlliçi./ CNA.al





Lajmet e fundit nga