web counter
LEXO PA REKLAMA!

SHKARKO APP

App Store
Google Play

Veliaj, akuza opozitës/ Kur mora bashkinë nuk ishin paguar sigurimet shoqërore të punonjësve

10 Prill 2023, 15:22, Politikë CNA
Veliaj, akuza opozitës/ Kur mora bashkinë nuk ishin paguar sigurimet
Kryebashkiaku i Tiranës dhe kandidati i PS-së në zgjedhjet e 14 majit, Erion Veliaj

Kryebashkiaku i Tiranës dhe kandidati i PS-së në zgjedhjet e 14 majit, Erion Veliaj, ka ironizuar opozitën për deklaratat e bëra gjatë ditëve të fundit.

Teksa prezantoi planin e ri për pastrimin e kryeqytetit, Veliaj përmendi premtimet e opozitës për të minimizuar shpenzimet e qytetarëve duke ofruar shërbime falas.

Ai tha se gjatë kohës kur bashkinë e kishte PD-ja, punonjësve të pastrimit nuk i ishin paguar as sigurimet shoqërore dhe buxheti i pastrimit ishte me 60% borxhe.

“Sot jemi në një situatë ku nuk kemi asnjë borxh. I kam dëgjuar të pestë kandidatët, në një mënyrë apo një tjetër të gjithë thonë se çdo gjë do bëhet pa lekë. Është shumë kollaj ta thuash sot këtë. Por, kur e kishin ata detyrën për të pastruar qytetin, në ato 4 vitet e gjumit, nuk kishin paguar as sigurimet shoqërore për punonjësit e pastrimit. E gjetëm buxhetin e pastrimit me 60% borxhe.

Pra, nga 100% që ishte total, 60% ishin borxhe. Kjo është si ajo puna e Nastradinit, që tha: ‘Sa e mësova gomarin pa ngrënë, zgjati një javë, dy javë, te java e tretë ngordhi dhe nuk e di pse’. Një mënyrë për t’i bërë të gjitha falas është të mos paguajë rrogat, të mos paguajë sigurimet shoqërore, të mos paguajë sigurimet shëndetësore, ta lërë Tiranën zhul, ta bëjë çdo gjë falas, hidhi plehrat gjithandej. Por, në fund na e lanë ne faturën, se dikush duhet t’i paguajë këto”, theksoi kryebashkiaku i Tiranës./ CNA.al





Lajmet e fundit nga