web counter
LEXO PA REKLAMA!

SHKARKO APP

App Store
Google Play

E fundit!

x

Igli Cara, në mbështetje të fermerëve/ Shpalos planin për zgjidhjen e problematikave në bujqësi

10 Prill 2023, 17:48, Politikë CNA

Igli Cara, në mbështetje të fermerëve/ Shpalos planin

Kandidati i koalicionit “Bashkë Fitojmë” për Durrësin, Igli Cara ka denoncuar disa nga mangësitë kryesore në zonën e Katundit të Ri.

Së pari ai ka përmendur mungesën e kanalizimeve edhe pse qytetarët paguajnë taksat rregullisht për të marrë këtë shërbim.

Ndër të tjera ai theksoi se Durrësit i duhen investime serioze dhe është zotuar se do mbështesë fermerët dhe do të nisë ndërhyrja e menjëhershme për të rehabilituar kanalet kulluese.

"Kanalet kulluese, që nuk funksionojnë, i bashkohen një zinxhiri problematikash, me të cilat përballen banorët e Katundit të Ri dhe që ndër vite nuk kanë gjetur zgjidhje.

Pa rrugë, pa kanalizime dhe të braktisur nga Bashkia e Durrësit, megjithëse janë taksapagues të rregullt.

Në njësitë administrative të Durrësit duhen investime serioze për t'i dhënë fund gjendjes kritike për familjet, që jetojnë e punojnë në këto zona.

Mbështetje e plotë për fermerët, që do të nisë nga ndërhyrja e menjëhershme për rehabilitimin e kanaleve kulluese.

Ky do të jetë hapi i parë, për të nxitur prodhimin e produkteve bujqësore bio, që do të konkurojnë në tregjet vendore e rajonale.

Bashkë për të ardhmen!", shkruan ai./CNA.al

 





Lajmet e fundit nga