web counter
LEXO PA REKLAMA!

SHKARKO APP

App Store
Google Play

E fundit!

x

Atentati ndaj Ndrecës/ Berisha: Rama çeli fushatën me akt terrorist

11 Prill 2023, 11:57, Politikë CNA
Atentati ndaj Ndrecës/ Berisha: Rama çeli fushatën me akt
Kreu i PD-së, Sali Berisha

Kreu i PD-së, Sali Berisha, ka folur në lidhje me atentatin ndaj kreut të PD-së në Vaun e Dejës, Benard Ndreca, duke e quajtur një akt terrorist.

Berisha tha se qëllmi i këtij sulmi ishte eliminimi i tij fizik, duke theksuar se ky është një krim shumë i rëndë.

Ish-kryeministri tha se Rama e çeli fushatën elektorale me një atentat.  

“Sot në mëngjes u krye një akt i rëndë i terrorizmit shtetëror kundër Bernard Ndrecës, kryetar i PD-së për Vaun e Dejës, me qëllim eliminimin e tij fizik.

Bernard Ndreca është një qytetar shembullor, e tillë është familja e tij.

Terroristë shtetërorë, sipas regjistrimit të kamerave, kanë vendosur tritolin në makinën e tij.

Bernardi, tek nisej për në punë, pas disa metrash përballet me një eksplozion të tmerrshëm që i shkatërron pjesën e përparme të makinës.

Por fatmirësisht, vetë ai shpëtoi nga ky atentat i mirëfilltë politik.

Me këtë akt terrorist, Edi Rama inauguron çeljen e fushatës së tij elektorale.

Ky përbën një krim të shëmtuar, përbën një akt të pashembullt në historinë e zgjedhjeve kur një drejtues kryesor i një dege të PD-së, sulmohet apo ndaj tij organizohet një atentat për likuidimin e tij”, është shprehur Berisha./ CNA.al





Lajmet e fundit nga