Gjekmarkaj, i pangopur/ I kërkon Ramës t’i rrisë rrogën

11 Prill 2023, 19:56, Politikë CNA

Gjekmarkaj, i pangopur/ I kërkon Ramës t’i rrisë

Deputeti dhe nënkryetari i Kuvendit, Agron Gjekmarkaj

Agron Gjekmarkaj, njeriu që u katapultua si nënkryetar i PD-së nga Lulzim Basha, deklaroi se do të jepte dorëheqjen nëse Sali Berisha rikthehej në PD.

Pas largimit të Bashës si kryetar, Gjekmarkaj doli dhe deklaroi publikisht se kishte dhënë dorëheqjen, por gjithçka ishte një mashtrim ndaj demokratëve.

Agron Gjekmarkaj vazhdon të mbajë të gjitha benefitet si nënkryetar i Parlamentit megjithëse është dorëhequr nga nënkryetar i PD.

Mashtrimi i Gjekmarkajt/ Kapet mat
30 Mars, 13:52

Në fakt, Agron Gjekmarkaj ka dhënë dorëheqjen nga nënkryetar i PD, çka do të thotë automatikisht duhet të humbë dhe detyrën si nënkryetar Kuvendi dhe PD-ja duhet të caktojë një tjetër emër, por mesa duket atij i pëlqen të mbajë zyrën, postet dhe përfitimet që i jep Kuvendi.

Dorëheqjen e ka dhënë nga nënkryetar në parti, por si nënkryetar Kuvendi në luks me makinë dhe shofer, vazhdon të qëndrojë pa dhënë dorëheqjen.

Pafytyrësia e Gjekmarkajt në fakt duket se nuk ka mbaruar. Sot ai ka kërkuar që t’i rritet rroga.

Gjekmarkaj nuk ka dorëzuar detyrën e nënkryetarit të PD-së, mashtroi demokratët
21 Prill, 17:07

Me një analizë të gjatë për programin e kryeministrit Edi Rama për rritjen e pagave, nënkryetari i Kuvendit ankohet se si deputet merr shumë pak para.

Ai thotë se me të ardhurat si deputet është në nivelin e varfërisë, por thekson se nuk ka ndërmend të zvarritet përjetësisht korridoreve.

“Shumë shqiptarë e gjejnë dinjitetin e tyre tek rroga. Unë jam njëri prej tyre qëkur kam zgjedhur të bëj atë profesion që bëj. As kam fare turp përkundrazi jam krenar. Nuk do të isha ankuar nëse nuk do të konsumohej një çudi. Qeveria ka dizenjuar një projektligj që rrit rrogat. Me Ligj sanksionohet që rroga e deputetit është 60% e Presidentit të Republikës. Presidentit dhe të gjitha kategorive po ju rritet dhe e përsëris shumë mirë duhej bërë më parë.

Drafti i qeverisë e ul në 39 % të rrogës së Presidentit atë deputetit në mënyrë që atij t’i mbetet e njëjta, pra jo vetëm që nuk ja rrit por de fakto ja ul. Ne e dimë sa kushton një dalje në terren, sa shpenzime e karburant, pa llogaritur kafet e drekat me njerëzit se po ashtu njerëz jemi dhe ne (paçka se na dizenjojnë si bisha) e në fund familja. Personalisht e kam ende krenarinë e njeriut dinjitetin për të luftuar për të.

Me këto të ardhura mbetesh në nivelin e varfërisë. Sot kam folur më shumë kolegë të djathtë e të majtë. Të gjithë mendonin që është e padrejtë. Disa nuk flasin të kompleksuar nga populizmi disa nga pushteti. Unë s’kam asnjë kompleks as nga njëra as nga tjetra kategori se nuk kam ndërmend të zvarritem përjetësisht atyre korridoreve”, deklaron ai ndër të tjera.

Pra, Gjekmarkaj, i cili mashtroi demokratët duke thënë se do të jepte dorëheqjen dhe vazhdon të marrë benefite si nënkryetar Kuvendi, ankohet hapur se nuk i dalin paratë. Madje ai kërkon me ngulm që t’i rritet rroga./ CNA.al