web counter
LEXO PA REKLAMA!

SHKARKO APP

App Store
Google Play

E fundit!

x

Escobar "ultimatum" kryetarëve të partive/ Kandidatët të përmbushin kërkesat e ligjit

11 Prill 2023, 19:10, Politikë CNA

Escobar "ultimatum" kryetarëve të partive/ Kandidatët

I dërguari i posaçëm i SHBA-së për Ballkanin Perendimor, Gabriel Escobar ka folur përgjatë takimeve me krerët e shtetit për rëndësinë e zgjedhjeve vendore të 14 majit.

Në një njoftim të publikuar nga ambasada e SHBA lidhur me takimet e zhvilluara, shkruhet se Escobar i ka bërë thirrje liderëvë të sigurojnë që kandidatët të përmbushin kërkesat e ligjit si dhe pritshmëritë e qytetarëve shqiptarë për integritet të lartë.

“Gabriel Escobar, Zëvendës Ndihmës Sekretari i SHBA për Çështjet Europiane dhe i Dërguari i Posaçëm për Ballkanin Perëndimor, mbërriti sot në Tiranë për takime me Presidentin Begaj, Kryeministrin Rama, Ministren e Jashtme Xhaçka dhe udhëheqës të tjerë. Zëvendës Ndihmës Sekretari Escobar do të nënvizojë rëndësinë e zgjedhjeve të ardhshme vendore në Shqipëri, nevojën për të zbatuar rekomandimet e ODIHR-it dhe nevojën që partitë politike dhe liderët të sigurojnë që kandidatët të përmbushin kërkesat e ligjit si dhe pritshmëritë e qytetarëve shqiptarë për integritet të lartë. Ai do të diskutojë gjithashtu bashkëpunimin SHBA-Shqipëri për përparësitë rajonale dhe globale, përfshirë refuzimin e pushtimit rus të Ukrainës”, tha ai./CNA.al

 

 





Lajmet e fundit nga