web counter
LEXO PA REKLAMA!

SHKARKO APP

App Store
Google Play

Berisha, “dhëmbë për dhëmbë” me Ramën/ Të çmendi autobusi, je gati të bëhesh pasagjer

11 Prill 2023, 21:49, Politikë CNA

Berisha, “dhëmbë për dhëmbë” me Ramën/

Kryeministri Edi Rama ironizoi kandidatin e opozitës për Tiranën, Belind Këlliçin, gjatë takimit për çeljen e fushatës elektorale, ku përmendi programin për transportin falas.

Por një përgjigje për Ramën ka ardhur nga kryetari i PD-së, Sali Berisha, i cili deklaroi se socialistët janë çmendur fare nga autobusi.

Ai tha se socialistët po merren aq shumë me autobusin saqë janë të gatshëm të hyjnë dhe pasagjerë të tij.

“Belind Këlliçi është kandidati më i shkëlqyer që i është ofruar ndonjëherë qytetarëve të Tiranës. I ka kompleksuar në mënyrë të tmerrshme.

Ju e keni vënë re, se si janë mobilizuar, ose të fshehin fushatën e Belindit, takimet e tij të njerëzishme me qytetarët, programin e tij të shkëlqyer, ose të përpiqen të hyjnë në autobusin e tij. Kaq shumë merren me autobusin saqë janë të gatshëm të hyjnë dhe pasagjerë të tij.

I çmendi fare, i çmendi autobusi. A e keni vënë re dhe përtypin gënjeshtra. Pra Edi Rama nga një anë fushatë me nomenklaturën mëkatare, mëkatarët më të mëdhejn. Organizatë kriminale është qeveria e tij, e faktuar me djegësat, me shumë afera të tjera. Nga ana tjetër shohin epërsinë e tmerrshme të kandidatëve tanë, të Belindit në Tiranë, Bardh Spahisë në Shkodër, i cili 1 vit, por bashkia e Shkodrës është si me qenë bashki e një shteti tjetër krahasuar me bashkitë e tjera. Bashki e transparencën, bashki e përgjegjshmërisë, e qytetarëve”, theksoi kryedemokrati në takimin me kryetarët e degëve të Tiranës dhe FRPD-së./ CNA.al





Lajmet e fundit nga