web counter
LEXO PA REKLAMA!

SHKARKO APP

App Store
Google Play

E fundit!

x

Numri i aplikimeve për azil në Britani, në nivele rekord/ Meta i “drejton gishtin” Ramës

12 Prill 2023, 09:52, Politikë CNA
Numri i aplikimeve për azil në Britani, në nivele rekord/ Meta i
Kreu i Partisë së Lirisë, Ilir Meta

Të dhënat më të fundit të publikuara nga Zyra e Statistikave të Emigracionit në Mbretërinë e Bashkuar tregojnë se rreth 16 mijë shqiptarë kërkuan azil në Britani dhe se 72% e tyre ishin më pak se 29 vjeç.

Në lidhje me shifrat ka reaguar kreu i Partisë së Lirisë, Ilir Meta, i cili përmes një postimi në rrjetet sociale, ka deklaruar se përgjegjës për këtë është kryeministri Edi Rama dhe qeveria e korruptuar prej 10 vitesh.

Ai u bën thirrje qytetarëve që në 14 maj ta ndëshkojnë me votë përgjegjësin kryesor për largimin e shqiptarëve nga vendi.

“Numri i aplikimeve për azil në Britaninë e Madhe nga shtetasit shqiptarë shënoi nivel rekord për vitin 2022!

Të dhënat më të fundit të publikuara nga Zyra e Statistikave të Emigracionit në Mbretërinë e Bashkuar tregojnë se rreth 16 mijë shqiptarë kërkuan azil në Britani dhe se 72% e tyre ishin më pak se 29 vjeç.

Tronditës është fakti se rreth 42% e aplikimeve janë bërë nga vetë të miturit si aplikantë kryesorë, ndërsa 13.7 % e kërkesave janë bërë nga fëmijë më pak se 18 vjeç.

Të rinjtë shqiptarë ikin nga Shqipëria, si nga asnjë vend tjetër i rajonit, për shkak të qeverisjes së korruptuar 10 vjeçare të Edi Ramës, që i ka detyruar t'u hipin gomoneve të shpresës, duke rrezikuar edhe jetën e tyre.

Përgjegjësia e shpopullimit të Shqipërisë është e Ramës, ndaj largimi i tij është domosdoshmëri për shpëtimin e vendit!

Më 14 Maj është dita për të ndëshkuar me votë përgjegjësin kryesor të shpopullimit!”, shkruan Meta./ CNA.al





Lajmet e fundit nga