web counter
LEXO PA REKLAMA!

SHKARKO APP

App Store
Google Play

E fundit!

x

Rama me Emirjana Sakon/ Do ta kthejmë Durrësin në një nga destinacionet më të kërkuara në Mesdhe

12 Prill 2023, 19:06, Politikë CNA
Rama me Emirjana Sakon/ Do ta kthejmë Durrësin në një nga
Kryeministri Edi Rama dhe kryebashkiakja e Durrësit, Emirjana Sako

Kryeministri Edi Rama zhvilloi pasditen e sotme një takim me qytetarët në Durrës, ku prezantoi kandidaten e PS-së për këtë bashki, Emirjana Sakon.

Rama tha se Durrësi është transformuar rrënjësisht dhe se do të kthehet në një nga destinacionet më të kërkuara në Mesdhe.

Ai renditi punët e nisura nga qeveria në këtë qytet bregdetar, që nga dy portet deri te baza ushtarake në Porto Romano, linja hekurudhore dhe shëtitorja e plazhit.

“Potenciali i Durrësit është i jashtëzakonshëm, me investimet e reja masive që do bëjmë, Durrësit do ketë një transformim rrënjësor dhe do kthehet në një nga destinacionet më të kërkuara në Mesdhe. Kjo do të thotë se do rriten mundësitë për punë dhe jo vetëm kaq, do kenë punë më të mirëpaguara. Në Durrës janë dy porte kyçe, për të dyja këto porte jemi në proces. Me portin turistik ka filluar të vendoset baza e kantierit dhe do vijojnë intensivisht punimet.

Rama me Emirjana Sakon/ Do ta kthejmë Durrësin në një nga

Në Porto Romano kemi një përmasë ushtarake për të krijuar një baze operacionale të NATO-s në njërin krah të portit. Kur po vija po shikoja edhe bazën e hekurudhës. Me linjën e re hekurudhore dhe me trenat e rinj që do vijnë, një tjetër infrastrukturë e rëndësishme do t’i shtohet Durrësit,. Ashtu sikur po vijojmë me punën me qeverinë e Kosovës për hekurudhën nga Durrësi drejt Kosovës që mundëson një tjetër hyrje të mallrave në të gjithë rajonin. Janë edhe projektet e bashkisë për të cilat ne komunikojmë me Anin vazhdimisht. Besoj e keni parë kantierin e shëtitores së plazhit. Po punojmë edhe me projektin e zgjerimit të rërës. Do kthehet e gjithë ajo hapësirë fantastike që ka qenë dikur kur akoma plazhi nuk ishte ngushtuar nga ndërtimet e reja”, theksoi kreu i qeverisë.

Ndërkohë, pas përfundimit të fjalës, kryeministri dhe kryetarja e bashkisë së Durrësit mbollën pemë./ CNA.al





Lajmet e fundit nga