Nga marrëveshja për urën e Bunës te miratimi i fondit për partitë/ Çfarë pritet të diskutohet sot në Kuvend

13 Prill 2023, 07:50, Politikë CNA

Nga marrëveshja për urën e Bunës te miratimi i fondit

Foto ilustruese

Sot do të zhvillohet seanca e radhës parlamentare. Kuvendi do të mblidhet në orën 10:00. Gjatë seancës pritet të diskutohet për një sërë projektligjesh, si ai për taksat kombëtare apo “Për mediat audiovizive në Republikën e Shqipërisë”.

Gjithashtu do të votohet për projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Malit të Zi, për ndërtimin e urës ndërkufitare mbi lumin Buna/Bojana si dhe për “Për miratimin e fondit për financimin e partive pjesëmarrëse në zgjedhjet për organet e qeverisjes vendore të vitit 2023”.

RENDI I DITËS

Në mbështetje të urdhrit nr. 22, datë 11.4.2023 të Kryetares së Kuvendit, znj. Lindita Nikolla, rend i ditës është si më poshtë vijon:

1. Miratimi i procesverbalit të seancës plenare datë 30.3.2023. (Neni 44, pika 2 e Rregullores)

2. Njoftime. (Neni 44, pika 3 e Rregullores)

3. Projektligj “Për disa ndryshime në ligjin nr.9975, datë 28.7.2008, “Për taksat kombëtare”, të ndryshuar.

(Në mbështetje të neneve 78 dhe 83, pika 1, dhe 155 të Kushtetutës dhe nenet 55 dhe 73-77 të Rregullores, shumicë e thjeshtë votash për miratim) Pyetje

Shprehet nismëtari

Shprehet Komisioni përgjegjës për Ekonominë dhe Financat

Dhënie mendimi Komisioni për Çështjet Ligjore, Administratën Publike dhe të Drejtat e

Njeriut

Diskutime

(Shprehen grupet parlamentare)

Koha e votimit

4. Projektligj “Për disa ndryshime dhe shtesa në ligjin nr. 97/2013 “Për mediat audiovizive në Republikën e Shqipërisë”, të ndryshuar. (Në mbështetje të neneve 78 dhe 83, pika 1, të Kushtetutës dhe nenet 55 dhe 73-77 të Rregullores, shumicë e thjeshtë votash për miratim)

Pyetje

Shprehet nismëtari

Shprehet Komisioni përgjegjës për Edukimin dhe Mjetet e Informimit Publik

Dhënie mendimi Komisioni për Çështjet Ligjore, Administratën Publike dhe të Drejtat e Njeriut

Dhënie mendimi Komisioni për Integrimin Europian

Diskutime

(Shprehen grupet parlamentare)

Koha e votimit

5. Projektligj “Për ratifikimin e marrëveshjes së huas, ndërmjet Republikës së Shqipërisë (Huamarrësi), përfaqësuar nga Ministria e Financave dhe Ekonomisë, dhe KFW Frankfurt am Main (KFW) e Fondit Shqiptar të Zhvillimit (FSHZH), (“Agjencia e zbatimit të projektit”), për projektin “Zhvillimi i integruar rajonal”.

Në mbështetje të neneve 78, 83, pika 1, dhe 121, pika 1, shkronja “ç” të Kushtetutës dhe nenet 55 dhe 73-77 të Rregullores, shumicë absolute votash për miratim)

Pyetje

Shprehet nismëtari

Shprehet Komisioni përgjegjës për Komisionin për Ekonominë dhe Financat

Dhënie mendimi Komisioni për Çështjet Ligjore, Administratën Publike dhe të Drejtat e Njeriut

Dhënie mendimi Komisioni për Politikën e Jashtme

Diskutime

(Shprehen grupet parlamentare)

Koha e votimit

6. Projektligj “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Malit të Zi, për ndërtimin e urës ndërkufitare mbi lumin Buna/Bojana (Në mbështetje të neneve 78, 83, pika 1, dhe 121, të Kushtetutës dhe nenet 55 dhe 73-77 të Rregullores, shumicë absolute votash për miratim)

Pyetje

Shprehet nismëtari

Shprehet Komisioni përgjegjës për Komisionin për Ekonominë dhe Financat

Dhënie mendimi Komisioni për Çështjet Ligjore, Administratën Publike dhe të Drejtat e Njeriut

Dhënie mendimi Komisioni për Politikën e Jashtme

Diskutime

(Shprehen grupet parlamentare)

Koha e votimit

7. Projektvendim “Për miratimin e fondit për financimin e partive pjesëmarrëse në zgjedhjet për organet e qeverisjes vendore të vitit 2023. (Në mbështetje të nenit 78 të Kushtetutës, si dhe nenit 88, pika 1 të ligjit nr. 10019, datë 28.12.2008 “Kodi Zgjedhor i Republikës së Shqipërisë”, të ndryshuar dhe neni 55 të Rregullores së Kuvendit)

8. Diskutime për çështje jashtë rendit të ditës (60’).