web counter
LEXO PA REKLAMA!

SHKARKO APP

App Store
Google Play

Rama e injoroi në hapjen e fushatës/ Veliaj rrëfehet për raportet me kryeministrin

12 Prill 2023, 22:54, Politikë CNA

Rama e injoroi në hapjen e fushatës/ Veliaj rrëfehet për

Ditën e djeshme kryeministri Edi Rama injoroi kryebashkiakun dhe njëkohësisht kandidatin për bashkinë e Tiranës, Erion Veliajn.

Gjatë hapjes së fushatës, Rama tha se Veliaj ka lindur me këmishë pasi nuk ka pasur kundërshtarë të fortë në zgjedhje.

Ndërkohë, më vonë, në festën që socialistët zhvilluan në liqenin e Farkës, kryeministri i kërkoi të mos bëjë fjalime port ë shkonte të mbillte ndonjë pemë e t’i linte të tjerët të festonin.

Duke marrë shkas nga këto batuta të Ramës që injorojnë kryebashkiakun e Tiranës, ky i fundit është pyetur mbrëmjen e sotme nga gazetarja Mirela Milori për raportet mes tyre.

Veliaj tha se ata shkëmbejnë batuta me njëri-tjetrin, por kanë raport fantastik.

Pjesë nga biseda:

Veliaj: Unë kam 20 vjet që flas e shkëmbej batuta me Edin, në këtë punë, jashtë kësaj pune, kur kemi qenë në vitet e vështira të opozitës. Batutat në fakt filluan që tek sheshi “Skënderbej”. Batuta mund të bëjnë njerëz që e mbajnë batutën. Ne nuk tregojmë racizëm me njëri-tjetrin. Pra asnjëri nuk i thotë tjetrit ti je ezmer natyral, jo po këto… Tjetër një parti që e ka fyerjen si një mënyrë për të komunikuar me tjetrin, tjetër gjë dy njerëz sportiv që punojnë fort, po sigurisht edhe dëfrehen fort. Dje kishim sigurisht pjesën solemne te sheshi “Skënderbej” dhe i them plako, kemi dhe këtë gjënë në Farkë, se e bëmë njëçikë shumë serioze aty, kështu nisi muhabeti. Plus i thashë më duket se ka ngjit kjo kënga, edhe jemi bërë një grup njerëzish. A me na çmendet tha, do shkojmë në katund tha, unë nga katundi vij tha do më çosh në katund prap. Erdhi aty dhe…

Milori: Pra raporti është i mirë?

Veliaj: Është fantastik. Kështu që është ajo që të thashë, “kush na ka inot, kshu na paftë përnot“./ CNA.al





Lajmet e fundit nga