web counter
LEXO PA REKLAMA!

SHKARKO APP

App Store
Google Play

Roland Bejko shkon në takim për fushatë/ “Nuk i del e keqja” me Berishën

13 Prill 2023, 18:32, Politikë CNA
Roland Bejko shkon në takim për fushatë/ “Nuk i del e
Kandidati i PD-së së vulës për Bashkinë e Tiranës, Roland Bejko

Kandidati i PD-së së vulës për Bashkinë e Tiranës, Roland Bejko, ka zhvilluar pasditen e sotme një takim me demokratët e degës nr.7 për të prezantuar programin e tij për kryeqytetin.

Por si në çdo dalje të tij mediatike Bejko ka hedhur akuza ndaj kryetarit të PD-së, Sali Berisha.

Ai tha se fushata e Berishës po mbështetet nga oligarkët. Sipas tij, të vetmit që i shkojnë pas kreut të PD-së janë militantët e gënjyer për rrëzimin e kryeministrit Edi Rama.

“Nga kush mbështetet, nga paratë e oligarkëve. Një takim që zhvillon sot Sali Berisha, një takim i kushton 5 mijë euro. Ka zhvilluar deri tani 13 takime për prezantime, ka shpenzuar rreth 60 mijë euro. Ndërkohë që ka një vite e gjysmë që vjen vërdall, me çfarë parash i zhvillon këto aktivitete, me çfarë i paguan mediat.

Këto para janë para që i ka vjedhur ke shqiptarët, para të vjedhura nga taksapaguesit shqiptarë. Ose paratë e krimit të organizuar ose të oligarkëve. Për të tre këto është akuzuar, për këto të tre është shpallur dhe non grata. Britanikët e akuzuan si bashkëpunëtore me krimin e organizuar, amerikanët si një person që minon demokracinë, shqiptarët e kanë refuzuar për lider dhe sot janë 70% e shqiptarëve që nuk e duan.

Të vetmit që i shkojnë nga mbrapa janë militantët që i gënjeu se për 6 muaj do hedh Ramën nga pushteti. I fton demokratët dhe u thotë votoni listën e Ilir Metës, ata  që ju hoqën ju nga puna dhe shkatërruan jetën e demokratëve”, tha Bejko./ CNA.al





Lajmet e fundit nga