web counter
LEXO PA REKLAMA!

SHKARKO APP

App Store
Google Play

E fundit!

x

Majko ironizon opozitën/ Përplasje me Tabakun: E turpshme, respekt kur përmend emrat e kolegëve

13 Prill 2023, 11:56, Politikë CNA
Majko ironizon opozitën/ Përplasje me Tabakun: E turpshme, respekt kur
Foto ilustruese

Depueti i PS-së, Pandeli Majko, në fjalën e tij në parlament është shprehur se seanca nuk duhet të kthehet në një fushatë elektorale, referuar deklaratave se opozita është spastruar nga servilët dhe se këta të fundit kanë kaluar nga PS-ja.

Këtu Majko ka përmendur emrat e deputetes Jorida Tabaku dhe Gazment Bardhit.

”Ritheksoj se kërkesa e një grupi deputetësh për të rishikuar disa shqetësime të grupeve të interesit, kjo më duket shumë e bazuar dhe nuk mendoj se sot në parlament duhet të bëhet një fushatë e çuditshme elektorale. Përse thoni që ne po ndryshojmë programin dhe rendin e ditës ftoj zotin Leskaj të reagojë. Sot përfaqësuesi i partisë komuniste përfaqësohet nga partia juaj, citoj kryetarin tuaj që ka thënë se sot PD është pastruar nga servilët dhe i ka marrë PS, pra zonjën Jorida dhe Bardhin i kemi marrë ne?”, tha Majko.

Deputetja e PD-së, Jorida Tabaku, i është kundërpërgjigjur Majkos, duke iu drejtuar se është e turpshme që përmenden emra kolegësh në sallë.

“Ligjet në parlament vijnë me porosi, siç ishte taksa për hirrën e qumështit që prekte prodhuesit e qumështit, për të ndihmuar disa kompani. Ka muaj që diskutohet në Komisionin e Ekonomisë. Lejet zotit Shalsi vijmë apo nuk vijmë në Komision, nuk i marrim sot. Zotit Majko i drejtohem me respekt për moshën dhe eksperiencën. Por kur mosha dhe eksperienca keqpërdoren dhe përdoren emrat e kolegëve tanë, kjo është e turpshme. Mes jush turp është që përdorni debatin e PD-së në këtë Kuvend. S’ka nevojë që të them unë se sa punë bëj apo se kush është i shitur apo i blerë. Herë tjetër respekt për moshën dhe eksperiencën, kur përdor emra të kolegëve në Parlament.”, tha Tabaku.

Shalsi: "Pandi tregoi respekt ndaj tyre. Një koleg deputet mbështeti ndryshimet, një tjetër tha që nuk kemi debatuar, njëri gozhdës dhe tjetri patkoit… Po mundohemi të saktësojmë për të mos lënë asnjë hapësirë për abuzime"./ CNA.al





Lajmet e fundit nga