web counter
LEXO PA REKLAMA!

SHKARKO APP

App Store
Google Play

E fundit!

x

Fondet për partitë politike/ Berisha: “Akt i turpshëm, po grabiten taksat dhe mundi i votuesve të PD-së”

13 Prill 2023, 12:53, Politikë CNA
Fondet për partitë politike/ Berisha: “Akt i turpshëm, po
Ish-kryeministri Sali Berisha

Ish-kryeministri Sali Berisha, në një deklaratë për mediat është shprehur se sot në seancën parlamentare duhej të diskutohej për atenatin ndaj kreut të PD-së në Vaun e Dejës, Benard Ndreca.

Berisha tha se çdo kryeministër në botë nuk do të heshtte ndaj një atentati të tillë, ndërsa Rama nuk flet pasi nuk do të kapë autorët që qëndrojnë pas tij.

“Kurrë një kryeministër nëse do të ishte jashtë nuk mund të heshtte po do të ishte i pari që do të dënonte një akt në planifikimin e likuidimit fizik. Rama nuk e bën këtë, se nuk do të kapë autorët, se qëndron pas këtij akti”, u shpreh Berisha.

Ndërsa sa i përket ndarjes së fondeve për partitë politike nga KQZ-ja, e ka cilësuar të turpshëm dhe të shëmtuar aktin, pasi mundin dhe taksat e paguara nga 620 mijë votues të PD-së, grabiten nga një grup veglash të Edi Ramës.

“Një nga aktet më të turpshme, më të shëmtuara është se mundin e 620 mijë qytetarëve që votuan PD-në, grabiten nga një grup veglash të Edi Ramës.

Kjo tregon fytyrën e shëmtuar të këtij regjimi. Kjo tregon amoralitetin e Edi Ramës. PD, e sigurt drejt fitores. Asgjë nuk e pengon. E shihni çfarë të dridhurash ju kanë hyrë. PD do të financohet nga kontributet vullnetare të anëtarëve dhe të mbështesve të saj. Ato fonde do të përdoren për përballimin e fushatës. PD-në po e financon fryma e fitores”, tha Berisha./CNA.al





Lajmet e fundit nga