web counter
LEXO PA REKLAMA!

SHKARKO APP

App Store
Google Play

Kandidatët e “braktisën” në prag fushate/ Justifikohet Alibeaj: Kanë presion

13 Prill 2023, 21:10, Politikë CNA
Kandidatët e “braktisën” në prag fushate/
Enkelejd Alibeaj

Një ditë pasi Enkelejd Alibeaj dorëzoi në KQZ listat për bashkitë dhe këshillat bashkiakë, kandidatët e PD-së së vulës nisën të japin dorëheqjen njëri pas tjetrit.

Lidhur me tërheqjet e njëpasnjëshme është pyetur mbrëmjen e sotme Enkelejd Alibeaj.

Ai tha në një intervistë me Marsela Karapançon kandidatët e tij për zgjedhjet vendore të 14 majit janë dorëhequr për shkak të presionit. Ai tha se i mirëkupton, duke qenë se është kohë sakrificash.

“Kjo kohë është kohë sakrificash. Unë nuk pretendoj që siç unë e mendoj ta mendojnë dhe të tjerët. Unë bëj përpjekjen time dhe kam vendosmërinë maksimale ta çoj deri në fund. I falënderoj të gjithë ata që në një kohë të vështirë morën përsipër kandidimin, por disa prej tyre bënë zgjedhje.

Duhet t’i shihni dhe shpjegimet që kanë dhënë. E kanë të mirën, e kanë moralin brenda. Ata janë udhëhequr nga më e mira ndaj qytetarëve. E keqja më e madhe është regjimi që i janë bashkëngjitur dhe shushunjat e vjetra politike. Jemi në një demokraci, në vend të lirë, ku njerëzit janë të lirë të zgjedhin. Askush nuk ka qenë i detyruar të marrë përsipër këtë sfidë.

Kanë respektin tim maksimal për çfarë kanë bërë. Kanë presion. Presioni është të shohësh të ngjashmit e tu, ata me të cilët ke bërë beteja, sot në mënyrë të paimagjinueshme tytat e bataresë nuk i kanë drejtuar ndaj kundërshtarit të madh të shqiptarëve, por ndaj nesh”, theksoi Alibeaj./ CNA.al





Lajmet e fundit nga