LEXO PA REKLAMA!

SHKARKO APP

Rishikimi i “non grata"-s së Berishës/ Escobar: Çështje që i përket së shkuarës

13 Prill 2023, 22:55, Politikë CNA
Rishikimi i “non grata"-s së Berishës/ Escobar:
I dërguari i Posaçëm i SHBA-së për Ballkanin Perëndimor, Gabriel Escobar

I dërguari i Posaçëm i SHBA-së për Ballkanin Perëndimor, Gabriel Escobar, është pyetur mbrëmjen e sotme nëse do të ketë një rishikim të shpalljes “non grata” të kreut të PD-së, Sali Berisha, pas zgjedhjeve vendore të 14 majit.

Por Escobar tha në një dalje televizive se kjo çështje i përket së shkuarës, duke nënkuptuar se sanksionet ndaj Berishës nuk do të hiqen.

“Para së gjithash, mendoj se pozicioni ynë për këtë individ të veçantë është shumë i qartë. Por unë do të thosha se nuk njoh asnjë person që përmes zgjedhjeve të ketë arritur të ndryshojë përcaktimin e pozicionit të tyre prej Departamentit të Shtetit sipas legjislacionit tonë. Por, thënë kjo, unë mendoj se Shqipëria ka një të ardhme vërtet të jashtëzakonshme dhe duhet të fokusohet tek e ardhmja. Dhe ka shumë njerëz që do të donin ta tërhiqnin atë në të shkuarën dhe unë nuk mendoj se ky është një vend ku Shqipëria dëshiron të shkojë. Nëse më pyet mua, patjetër që është e shkuara”, deklaroi ai./ CNA.al

Lajmet e fundit nga