web counter
LEXO PA REKLAMA!

SHKARKO APP

App Store
Google Play

E fundit!

x

Sulmet e opozitës ndaj Yuri Kim/ Escobar: Janë personale dhe të pajustifikuara

13 Prill 2023, 22:18, Politikë CNA
Sulmet e opozitës ndaj Yuri Kim/ Escobar: Janë personale dhe të
I dërguari i SHBA-ve për Ballkanin Perëndimor, Gabriel Escobar

I dërguari i SHBA-ve për Ballkanin Perëndimor, Gabriel Escobar, ka folur në lidhje me sulmet e opozitës ndaj ambasadores amerikane në Tiranë, Yuri Kim.

Escobar tha në një intervistë televizive se këto sulme janë personale dhe të pajustifikuara.

Ai theksoi se ambasadorja Kim në qëndrimet e saj publike nuk bazohet asnjëherë në opinionet e veta, por flet gjithmonë në emër të Sekretarit amerikan të Shtetit dhe Presidentit të SHBA-ve.

“Nuk është kurrë mision personal. Do të thosha se në rajon, të gjithë ambasadorët tanë veprojnë me mbështetjen e plotë të Sekretarit të Shtetit dhe Presidentit. Të gjithë ata po veprojnë në përputhje me vlerat dhe politikat tona. Dhe është për të ardhur keq që disa nga ambasadorët tanë në rajon janë vënë nën sulm personal. Para së gjithash, mendoj se është e pajustifikuar.

Por së dyti, mendoj se është gjithashtu jodiplomatike, sepse ajo që po bën ambasadorja jonë është pikërisht ajo që Sekretari dëshiron të bëjë. Nuk është diçka personale. Është çështje politikash. Mendoj se të gjithë duhet ta njohin këtë. Dhe në fakt, nëse do të më duhej të shtoja një opinion personal, ne kemi një nga ambasadorët më të mirë të shërbimit të jashtëm që shërben në Shqipëri. Pra, nuk është një çështje personale. Është diçka profesionale”, theksoi Escobar./ CNA.al





Lajmet e fundit nga