E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Afera korruptive që zgjoi mediat pas tetë vitesh/ Si pagoi Qeveria kredinë për inceneratorët?

24 Shkurt 2023, 09:40, Ekonomi CNA

Afera korruptive që zgjoi mediat pas tetë vitesh/ Si pagoi Qeveria

Pas 8 vjetësh, dje në media ka qarkulluar lajmi se një bankë e nivelit të dytë ka kërkuar sekuestrimin e inceneratorëve të Elbasanit dhe Fierit, për arsye se janë lënë si kolateral.

CNA.al e ka raportuar këtë informacion, 7 apo 8 vite më parë, kur ka zbardhur skemën e aferës korruptive.

Gugallja me “Albtek Energy” me 1 lek në dorë, kanë marrë një kontratë koncensionare ia kanë çuar bankës, kanë marrë kredi për të ndërtuar inceneratorët dhe kjo kredi është paguar nga shteti, nga Qeveria.

Kemi të bëjmë me një kompani, “Albtek Energy”, e themeluar në mes të korrikut 2014, që pas disa javësh merr kontratën koncesionare me Ministrinë e Mjedisit që në atë kohë drejtohej nga LSI-ja dhe më pas këtë kontratë koncesionare e dorëzon si barrë siguruese te një bankë e nivelit të dytë, dhe shkon të ndërtojë inceneratorin e Elbasanit, me paratë që i jep Qeveria shqiptare.

Kredia është marrë në pranverë të 2015-ës dhe në qershor ka nisur të paguhet nga Qeveria, nga shteti shqiptar.

Kjo është historia e inceneratorëve që ka ndodhur edhe me Fierin edhe me Tiranën.

Pra, është marrë kontrata koncensionare edhe është shkuar në bankë për të marrë kredi për të nisur punën, dhe paratë e kredisë janë paguar nga Qeveria.

Pra, incenerarori i Elbasanit dhe jo vetëm është ndërtuar me paratë e Qeverisë shqiptare, e cila ka filluar pas pak muajsh të paguajë menjëherë lekë, që janë përdorur nga kompania për të disbursuar kredinë, për të paguar interesat, e të tjera si këto.