web counter
LEXO PA REKLAMA!

SHKARKO APP

App Store
Google Play

Ja kush i publikoi dokumentat e parave që mediat morën nga inceneratorët

20 Mars 2023, 19:42, Aktualitet CNA
Ja kush i publikoi dokumentat e parave që mediat morën nga
Fotomontazh

Departameti Amerikan i Shtetit ka publikuar një raport, ku deklaron se mediat janë korruptuar nga kompanitë e inceneratorëve, ndërkohë që ishin nën hetim për korrupsion dhe mashtrim.

Sipas raportit të DASH, mediat kanë marrë para në dhjetor të 2021-shit dhe në janar të 2022-shit.

Në atë kohë ka qenë gazetari Elvi Fundo, i cili në një dalje në emisionin “A Show” të Adi Krastës, ka nxjerrë me fakte dhe dokumenta konkrete paratë e paguara nga kompanitë e inceneratorëve.

Ai në atë kohë publikoi të dhëna që akuzonin se “Top Channel”, “Report Tv”-ja e Carlo Bollinos, “News 24” i Irfan Hysenbelliut, apo edhe “Fax News” paguheshin me dhjetëra mijëra euro në muaj për të bërë propagandë pro inceneratorëve.

Gjithashtu, media e denoncuar me fatura asokohe nga gazetari ishte edhe “Albanian Post” e Baton Haxhiut, apo edhe tre kompanitë e administruara nga Endrit Habilaj “Vox Tv”, “Infinit Communication”, dhe “SH.Q.I.P”.

Për disa prej këtyre mediave, CNA ka sjellë herë pas here dokumenta që vërtetojnë se kanë vijuar dhe po vijojnë të paguhen nga inceneratorët.

Duke marrë dhjetëra-mijëra euro, ato po heshtin për aferat që po hetohen nga drejtësia shqiptare.

Pronarët e mediave i kanë justifikuar këto para si “reklama” për kompani private, por këto fatura janë paguar rregullisht prej vitesh.

Tashmë edhe DASH ka ngritur “këmbanë alarmi” për pagesat, duke konfirmuar edhe njëherë atë që CNA ka thënë dhe vazhdon ta thotë prej kohësh, se mediat po korruptohen nga “kokat” e kompanive të përfshira në një mega-aferë./ CNA





Lajmet e fundit nga