Nga ortakëria me incineratorët tek 110 milion euro e Becchettit/ Dy faturat që shqiptarët i paguajnë edhe për Top Channel

6 Prill 2021, 10:57, Ekonomi CNA

Afera e inceneratorëve mund të konsiderohet si afera më e madhe korruptive përgjatë viteve të fundit, në qeverisjen socialiste. Kjo e denoncuar nga media dhe opozita si një barrë e rëndë mbi xhepat e shqiptarëve, taksat e të cilëve, çohen në klientelën e Qeverisë dhe mediat pranë saj.

Qeveria ka dhënë nga buxheti i shtetit 180 milionë euro për ndërtimin e tre incineratorëve për djegjen e plehrave, një prej tyre pretendohet se është në funksion, ndërsa dy të tjerët jashtë çdo afati ndërtimi. Opozita pretendon se për këto inceneratorë do jepen të paktën 400 milionë euro.

Kujtojmë se CNA.al, ka qenë një nga mediat, që ka zbardhur të plotë dosjen e koncesioneve të inceneratorëve në Shqipëri, me fillesa tek Qeveria dhe që përfundon tek ortakëria me Ben Blushin drejtorin e Top Channel dhe aksioneren Vjollca Hoxha. (Lexo këtu).

Gjithashtu CNA.al ka publikuar dokumente zyrtare, ku tregon sesi pronarët e kompanive që kanë marrë koncesionin e inceneratorëve në Shqipëri, Klodian Zoto dhe Klodian Mërtiri, së bashku me bashkëshorten e Ben Blushit, Eva Blushin ndërtuan në Bullgari një kompani, Em Capital Group. (Lexo këtu)

Më pas, kjo kompani në Shqipëri dhe bleu 51% të aksioneve të Valtelina Kafe, e cila mban emrin tregtar Lori Kafe, që ka të njëjtët pronarë me Top Channel. (Lexo këtu)

Ortakëria e Ben Blushit dhe Vjollca Hoxhës me Klodian Zoton e Mirel Mërtirin shpjegon edhe faktin pse Topi është shndërruar në avokatin më të madh të kësaj afere korruptive shtetërore.

Ndërkohë, dje mediat kanë raportuar se Top Channel është i përfshirë dhe në skandalin ?Becchetti?.

Ekzsiton një bisedë që është marrë si provë e tretë e dëshmisë në gjyqin e Francescco Becchettin në SHBA kundër shtetit shqiptar i cili ka fituar 110 milion euro.

TCH është përmendur nga Sekretari i Përgjithshëm i Kryeministrit Edi Rama, Engjëll Agaçi gjatë një dreke me Francesco Bechettin.

Agaçi i thotë Beçhettit që duhet të shkojë të flasë me Enkelejd Jotin, drejtorin e Përgjithshëm të TCH. Ndërsa biznesmeni italian çuditet nga ky pohim i Agaçit.

Kjo bisedë, sipas MCN TV, është dëshmuar nga biznesmeni italian, Francesco Becchetti, në Uashington, ishte një nga tre provat kryesore që fundosi Shqipërinë në gjykatën e arbirtrazhit ndërkombëtar duke detyruar qytetarët shqiptarë të paguajnë 110 milionë euro gjobë. Mbyllja e Agon TV është quajtur një çështje politike.

110 milionë euro, edhe TCH në faturën shqiptarëve

Në rastin e incenetarorëve, shqiptarët paguajnë me taksat e tyre disa qindra miliona euro, të cilat i merr kompania incineratorëve dhe më pas janë këta pronarë që ngritën ortakëri dhe paguan Top Channel

Në rastin e dytë të Becchettit ndërhyn shteti, deri tek Sekretari i Përgjithshëm i Këshillit të Ministrave Ëngjëll Agaçi, për llogari të TCH.

Në vitin 2014, kujtojmë se ishte koha kur TV Agon kishte marrë nje pjesë të madhe të stafit të Top Channel si Saimir Kodrën, e ?Fiks Fare?, edhe shumë gazetarë, kameramanë e punonjës të tjerë të medias.

Pra, herën e parë inceneratorët marrin para nga taksat dhe financojnë edhe Top Channel-in, ndërsa herën e dytë TCH del në një dënim që merr shteti shqiptar si pjesë e tij. Dhe shqiptarët nga taksat e tyre, këtë herë duhet të paguajnë interesat klineteliste në luftën e TCH.

Herën e parë marrim para nga taksat e shqiptarëve dhe herën e dytë marrin sërish para nga taksat e shqiptarëve.

Herën e parë i marrin dhe i futin në xhepa pronarët, herën e dytë TCH prek në xhepat e shqiptarëve. Janë këta të fundit që do të paguajnë dëmshpërblimin ndaj Becchettit, për shkak edhe se pronarët e Topit bënë luftë me Agon TV./ CNA.al