web counter
LEXO PA REKLAMA!

SHKARKO APP

App Store
Google Play

Marrëveshjet Kosovë-Serbi/ Rama “dyshues”: Të shpresojmë që djalli të mos fshihet në detaje

19 Mars 2023, 09:17, Aktualitet CNA
Marrëveshjet Kosovë-Serbi/ Rama “dyshues”: Të
Foto ilustruese

Kryeministri Edi Rama ka përshëndetur arritjen e marrëveshjes në mes të Kosovës dhe Serbisë për aneksin e zbatimit të Planit Europian, edhe pse nuk u nënshkrua.

Përmes një statusi në rrjetet sociale, Rama shpreson që djalli të mos fshihet në detaje dhe fakti që nuk është nënshkruar të mos jetë një dredhi.

 “Le të shpresojmë që djalli të mos fshihet në detaje sonte dhe që marrëveshja e rënë dakord, por e panënshkruar të mos jetë një tjetër dredhi ballkanike! Përndryshe kjo do të ishte një arritje historike që do të shpallte një pranverë të shumëpritur në marrëdhëniet mes dy kombeve më të mëdha të Ballkanit,”- ka shkruar Rama në "Twitter".

Më tej në një tjetër postim, kryeministri shkruan se uron që së shpejti marrëveshja e panënshkruar të kthehet në një realitet të pakthyeshëm.

“Dhe le t'i urojmë sinqerisht katër protagonistët e tryezës së sotme të Ohrit, duke uruar që së shpejti marrëveshja e panënshkruar të kthehet në një realitet të ri të pakthyeshëm mes Kosovës dhe Serbisë, shqiptarëve dhe serbëve, Ballkanit Perëndimor dhe Bashkimit Europian”, thuhet në postim./ CNA.al

Marrëveshjet Kosovë-Serbi/ Rama “dyshues”: Të

Marrëveshjet Kosovë-Serbi/ Rama “dyshues”: Të





Lajmet e fundit nga