Mbi 322 milionë lekë të rinj tender/ Akuzat që rëndojnë mbi kryebashkiakun, Lefter Alla

16 Mars 2023, 10:13, Aktualitet CNA

Mbi 322 milionë lekë të rinj tender/ Akuzat që

Kryebashkiaku socialist Lefter Alla

Kryebashkiaku socialist, Lefter Alla, është arrestuar pasditen e djeshme.

Burime për CNA bënë me dije një ditë më parë se kryebashkiaku i Bulqizës, Lefter Alla, u ndalua për llogari të SPAK-ut.

Sot, SPAK përmes një njoftimi zyrtar ka zbardhur detajet nga hetimet duke zbuluar dhe akuzat që rëndojnë mbi Lefter Allën.

“L. A. si person i dyshuar për kryerjen e veprave penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal dhe “Shpërdorimi i detyrës”,parashikuar nga neni 248 i Kodit Penal”, thuhet në njoftimin e Prokurorisë së Posaçme.

Hetimi nga SPAK

Nga hetimi ka rezultuar se për shtetasin nën hetim L. A. me detyrë Kryetar Bashkie me funksionin e tij si i zgjedhur vendor për të administruar konform ligjit Njësinë vendore Bashkinë Bulqizë evidentohet qartësisht sjellja e tij duke dokumentuar disa fakte penale si shkeljet gjatë procedurës së prokurimin publik me procedurë të hapur në datë 30.04.2021, operatorëve ekonomikë “Egland Sh.p.k.” dhe “BE-IS” Sh.p.k., me objekt “Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ, Lagjja e vjetër, qyteti Bulqizë, Bashkia Bulqizë”, me vlerë të tenderit në shumën 322.439.000 lekë të reja, me afat kohor 10-mujor. Ky shtetas nën hetim në bashkëpunim me nënkryetaren e bashkisë, dhe punonjësit e tjerë, si specialiste e prokurorimeve, anëtarët e KVO, kanë bërë të mundur që këtë tender ta fitonte me dokumentacion BOE Egland sh.p.k. dhe BE-IS sh.p.k., duke krijuar avantazhe për këtë subjekt gjatë procedurës së prokurimit. Në një kohë që nga hetimi ka dyshime të arsyeshme të bazuara, se punimet janë kryer nga OE 2AF Albania sh.p.k., lidhje shoqërore e kryetarit të Bashkisë.

Kjo procedurë prokurimi dyshohet që është inicuar dhe zhvilluar në kundërshtim me LPP dhe aktet nënligjore dhe nga AK Bashkia Bulqizë, konkretisht nga të hetuarit me veprime aktive që konsistojnë në ngritjen e një mekanizmi të posaçëm, për nxjerrjen fituese të një firme në lidhje me proceduren e prokurimit të zhvilluar nga Bashkia Bulqizë. Aktet deri në këtë fazë të hetimit njoftojnë se të hetuarit i) miratuan kritere për të favorizur një firmë pjesëmarrëse në tender ii) firma pjesëmarrëse në prokurim paraqiste vetëm dokumetacionin, ndërkohë punimet realizoheshin nga i hetuari (A. K.), i cili rezultoi lidhje e afërt e kryetarit të Bashkisë (L. A.).