web counter
LEXO PA REKLAMA!

SHKARKO APP

App Store
Google Play

E fundit!

x

Rinovimi i lejeve të drejtimit/ DPSHTRR zbardh ndryshimet

17 Mars 2023, 08:34, Aktualitet CNA
Rinovimi i lejeve të drejtimit/ DPSHTRR zbardh ndryshimet
Foto ilustruese

Një ditë më parë në Kuvendin e Shqipërisë është miratuar projektligji për disa ndryshime në Kodin Rrugor të Republikës së Shqipërisë.

Ky projektligj mori 101 vota. Sot përmes një postimi në rrjetet sociale, DPSHTRR ka zbuluar disa nga ndryshimet sa i përket rinovimit të lejedrejtimit sipas kategorive .

Rinovimi i lejedrejtimit të kategorive AM, A1, A2, A, B1, B dhe BE

Afatet e rinovimit do të bëhen çdo 15 vite dhe për personat mbi 70 vjeç konfirmimi i vlefshmërisë bëhet pas dorëzimit të certifikatës mjekësore.

Rinovimi i lejedrejtimit profesional C1, C1E, CE

Afatet e rinovimit do të bëhen çdo 5 vite deri në 70 vjeç (për personat mbi 65 vjeç vetëm për mjetet deri në 20 ton)

Rinovimi i lejedrejtimit profesional D1, D1E, D dhe DE

Afatet e rinovimit do të bëhen çdo 5 vite deri në 70 vjeç, për personat mbi 65 vjeç lëshohet vetëm për drejtimin e mjeteve të kategorisë B dhe BE për taksi dhe transport udhëtarësh me mjet 8+1.

Kategoria e Lejes së Drejtimit të Posaçme AM, A1, A2, A, B1, B dhe BE afatet e rinovimit do të bëhen çdo 5 vite deri në 65 vjeç dhe çdo tri vite mbi 65 vjeç.

Kategoria e Lejes së Drejtimit të Posaçme C1, C1E, C dhe CE afatet e rinovimit do të bëhen çdo 5 vite deri në 65 vjeç.

Këto leje nuk rinovohen pas moshës 65 vjeç.

Zgjatje e së drejtës për ushtrimin e profesionit të Instruktorit të Autoshkollës deri në 70 vjeç, nga 65 vjeç që është!

Qytetarëve që u është anuluar Leje Drejtimi shqiptare për efekt konvertimi jashtë vendit, mund të rimarrin Leje Drejtimin shqiptare pa testim, drejtpërdrejt edhe nëse Leje Drejtimi e huaj ka skaduar, pasi e dorëzojnë atë dhe heqin dorë vullnetarisht prej saj.

Mbajtësit e lejeve të drejtimit të kategorisë B në dy vitet e para të lëshimit nuk u lejohet të drejtojnë mjete motorike me fuqi specifike, referuar masës bosh të mjetit, më të madhe se 55KW/ton. Për makinat hibride elektrike ose plug-in, kufiri specifik i fuqisë është 65 KW/ton, duke përfshirë peshën e baterisë./ CNA.al





Lajmet e fundit nga