LEXO PA REKLAMA!

SHKARKO APP

Inceneratorët blenë mediat/ Miliona euro për televizione, portale dhe gazetarë

2 Janar 2022, 11:48, Aktualitet CNA

Inceneratorët blenë mediat/ Miliona euro për televizione, portale

Në duart e prokurorëve të SPAK-ut, përveç firmave që zbuluan dhe lidhjet e Lefter Kokës me kompanitë e inceneratorëve janë në dosje edhe lidhjet e medias dhe si u ble media, televizione, gazetarë, e portale, nga Klodian Zoto, Mirel Mërtiri dhe Stela Gugallja. Njerëzit e skemës së inceneratorëve në Elbasan, Fier dhe Tiranë.

CNA.al ka mundur të sigurojë nga burime zyrtare pranë SPAK, të dhëna që tregojnë pagesa, të cilat janë të ndryshme në varësi të “pazareve”, apo shërbimeve që kanë bërë mediat.

Janë emrat kryesorë të televizioneve informative, janë portalet, kryesisht pranë qeverisë, por edhe individë, pra zëra publikë, të cilët shpesh shfaqeshin në ekran dhe bëjnë mbrojtjen publike të inceneratorëve.

Kryeministri Edi Rama është përpjekur që ta mbyllë me pak zhurmë arrestimin e ish-ministrit të tij Lefter Koka.

Ky i fundit i akuzohet dhe nga LSI-ja, e cila në fakt filloi të flasë për këtë aferë, vetëm përpara zgjedhjeve të vitit 2021, pasi për tetë vite heshti. Heshti edhe për katër vite, kur ishte në pushtet dhe zhvillohej afera e inceneratorëve. Kur firmoseshin koncesionet, për të cilat Ilir Meta dhe Monika Kryemadhi thonë se nuk dinin asgjë.

Kështu heshti edhe Lulzim Basha, kështu heshtën të gjithë. Edhe mediat. Sepse një pas një ata paguheshin për shërbimet që iu bënin inceneratorëve apo bliheshin, apo korruptoheshin, siç është rasti i akuzave të ngritura ndaj Lefter Kokës.

CNA.al nga nesër do të vijojë të publikojë të plota të gjitha të dhënat që ka mundur të sigurojë për eksponentë mediatikë, portale dhe televizione të cilët janë paguar nga Klodian Zotot, Mirel Mërtiri dhe bashkëjetuesja e këtij të fundit, Stela Gugallja.

Me miliona euro, prej disa vitesh shumë prej këtyre parave tashmë janë të zbardhura në SPAK, kanë kaluar në kompani të ndryshme. Por, edhe pagesa direkte nga kompanitë e inceneratorëve për televizionet, duke i justifikuar si publicitet e të tjera forma e mënyra. Deri tek subjektet fiktive që kanë të njëjtat adresa, në televizione kombëtare, ku fshihen emra personash të stafit, të cilët kanë hapur kompani dhe janë paguar nga inceneratorët.

SPAK tashmë i ka në dorë të gjitha. Përveç Lefter Kokës, kjo histori duket se nuk po shkon më gjatë, pasi Arben Kraja ka thënë publikisht se po hetohen edhe inceneratori i Fierit dhe ai i Tiranës. Deri tani, për Elbasanin është arrestuar vetëm ish-ministri Lefter Koka.

Në fakt po të shohësh bilancet, mandat-pagesat, mënyra sesi është vepruar me mediat dhe pagesat që janë bërë ndaj televizioneve, portaleve dhe gazetarëve që dalin e “cicërojnë” nëpër ekrane, jashtë skemës nuk do të ngelej as klientela mediatike, e cila rëndom punën e saj do ta justifikonte si shërbim, apo reklamë bërë një kompanie private.

Janë paguar duke u justifikuar për reklama në fakt ka media e portale periferike që janë paguar dhjetëra apo qindra milionë kur në fakt shumë prej tyre nuk kanë as audiencë e as lexime. Thjesht dhe vetëm kanë shërbyer si mjet propagande pro inceneratorëve apo sulmi ndaj atyre që denonconin këtë aferë korruptive.

Megjithëse këto kompani, të Stela Gugallës, Mirel Mërtirit dhe Klodian Zotos, tashmë janë publikisht dhe zyrtarisht të akuzuar për korrupsion, siç është rasti i inceneratorit të Elbasanit.

Por, duhen pritur më tej edhe hetimet për Fierin dhe Tiranën.

CNA.al, ashtu siç theksuam dhe më lart do të sjellë ditë pas dite emra mediash, telvizionesh, portalesh dhe individësh, të gjithë ata që janë përfshirë dhe kanë marrë qoftë edhe një qindarkë nga kompanitë e inceneratorëve për reklama, për të justifikuar një aferë korruptive 178 milionë euro, vetëm kontrata të firmosura koncesionare dhe një aferë, e cila në total shkon mbi 430 milionë euro, sipas ekspertëve të ekonomisë./CNA.al

Skema korruptive e inceneratorëve/ Zyrtarët e përfshirë dhe ortakëritë me Ben Blushin dhe Vjollca Hoxhën

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

REDAKSIONALE/ Inceneratorët, Top Channel, Ben Blushi dhe milionat që akuzojnë

Rama mbron aferën e shekullit/ Justifikon një mal me para, për një mal me plehra

Lajmet e fundit nga