LEXO PA REKLAMA!

SHKARKO APP

Ish-zyrtarët e bashkisë, akuza të forta korrupsioni/ Fortuzi dhe Hoxha bëjnë fajtorë njëri-tjetrin

7 Qershor 2023, 18:30, Aktualitet CNA
Ish-zyrtarët e bashkisë, akuza të forta korrupsioni/ Fortuzi dhe
Indrit Fortuzi dhe Florenc Hoxha

Ish-kryetari i Njësisë Bashkiake nr. 9 në Tiranë, Indrit Fortuzi, ka hedhur akuza për korrupsion ndaj Florenc Hoxhës, ish-kryetarit të Inspektoriatit Ndërtimor në Bashkinë e Tiranës në kohën e Lulzim Bashës.

Fortuzi ka komentuar në një nga statuset e Hoxhës, ku ky i fundit mbështeste Lulzim Bashën, kryetarin e dorëhequr të PD-së.

Ai akuzon Florenc Hoxhën se u ka marrë para biznesve në zonën e 5 Majit dhe demokratëve.

Por ish-kryetari i Inspektoriatit Ndërtimor i është përgjigjur me akuza. Ai pretendon se Fortuzi ka kryer korrupsion me regjistrimin e familjeve.

Sipas tij, ish-kryetari i Njësisë Bashkiake Nr. 9 regjistronte nga 4-5 familje për hyrje te pallatet e Sadri Abazit në zgjedhjet e vitit 2013.

Pak pasi akuzuan njëri-tjetrin, dy ish-zyrtarët e bashkisë së Tiranës fshinë komentet.

Akuzat e hedhura ndaj njëri tjetrit:

Indrit Fortuzi: Kur unë isha te minibashkia Nr. 9, nuk la biznes pa i marrë lekë sepse ky Flori ishte shoku Erion Lahit, që kishte tregun në 5 Maj. Dhe Erjoni ishte shoku Lulit, prandaj jo të hedhësh baltë kaq lehtë mbi situatën, pastaj dhe ti nuk ke lënë demokrat pa marrë lekët në zona, aty isha unë bashkë me ty, mos na bëj si g*pi engjëllor.

Florenc Hoxha: Mi thuaj emrat e demokratëve që i kam marrë lekët unë, apo e ke fjalën për ato 80 familjet që i regjistroje te pallatet e Sadri Abazit nga 4-5 familje për hyrje ti si kryetar minibashkie në zgjedhjet e 2013-ës.

Indrit Fortuzi: Po ke lënë demokratë pa u marrë lekë ti o Floro? Me çfarë e bëre.../ CNA.al

Ish-zyrtarët e bashkisë, akuza të forta korrupsioni/ Fortuzi dhe

Lajmet e fundit nga