web counter
LEXO PA REKLAMA!

SHKARKO APP

App Store
Google Play

E fundit!

x

Ankandi i targave të personalizuara/ Ja cila është targa më e lakmuar për shqiptarët

6 Qershor 2023, 22:38, Aktualitet CNA

Ankandi i targave të personalizuara/ Ja cila është targa më

Drejtoria e Përgjithshme e Shërbimeve të Transportit Rrugor zhvilloi sot ankandin e parë të targave të personalizuara.

Një sërë personazh kanë dhënë ofertat e tyre dhe në fund u shpallën fituesit. Drejtori i DPSHTRR-së, Blendi Gonxhja ka treguar se targa më e lakmuar ishte "ZZ777ZZ", e cila u shit për 430,000 lekë.

Dy targa të tjera që u shitën me çmim të lartë ishin edhe “7ZZZ7” dhe “1KING”.

Me anë të një statusi në rrjetet sociale, Gonxhja deklaron se ky ankand i parë do të pasohet edhe nga të tjerë.

Statusi i plotë:

U shit! Çekiçi goditi podiumin, duke nisur kështu Ankandin e parë të Targave të Personalizuara!

Një atmosferë tërësisht automotive mirëpriti shërbimin tonë më të ri, risinë e Ankandit, për një standard krejt të lartë transparence në blerjen e kombinimit të preferuar, duke nisur ndërtimin e një kulture të ndershme tregëtimi, përkundër sjelljeve të së shkuarës së nënbanakut e rryshfetit!

Tabu që thyhen në vendin ku mjetet rrugore private qenë herezi deri në 1990-ën, ndërsa sot flota vendase rritet në mbi 850 mijë mjete dhe në mënyrë krijuese gjenerojmë fonde që shkojnë për programe edukative mbi sigurinë rrugore dhe aktivitete të trashëgimisë automotoristike, Retro Albania, sisteme e infrastrukturë moderne, investime e kapacitete!

Mes brohoritjesh, tabelash që ulen dhe ngrihen për të ofertuar vlerën më të lartë, u shpallën fituesit e targave të para me ankand.

Të gjithë janë kurioz të dinë se cila është targa më e lakmuar dhe e paguar më shtrenjtë Targa "ZZ777ZZ" me disa ofertues u shit për 430,000 lekë, e pasuar nga targa “7ZZZ7” dhe targa “1KING”!

Mirë u takofshim në ankandin e radhës, që tashmë do të jetë format pune i shpeshtë, për ato targa që kanë potencial oferte të gjerë! Deri atëherë, kombinoni bukur dhe shprehni imagjinatën tuaj me 5-6-7 karaktere në platformën online:

https://www.targaluksi.dpshtrr.al/ /CNA.al





Lajmet e fundit nga