web counter
LEXO PA REKLAMA!

SHKARKO APP

App Store
Google Play

E fundit!

x

Olsian Çela, i pakënaqur me institucionet/ “Nuk kanë bërë sa duhet për krimin ekonomik”

6 Qershor 2023, 15:58, Aktualitet CNA
Olsian Çela, i pakënaqur me institucionet/ “Nuk kanë
Prokurori i Përgjithshëm, Olsian Çela

Prokurori i Përgjithshëm, Olsian Çela, kritikoi sot institucionet, teksa publikoi në Kuvend raportin përmbledhës të raportit vjetor për 2022-shin.

Çela tha se krimi ekonomik është një nga fushat prioritare, por rezultatet nuk janë aty ku duhet.

Ai tha se institucionet e specializuara në fushën e krimit ekonomik nuk kanë bërë sa duhet punë dhe duhet të angazhohen më shumë.

“Sa i përket krimit ekonomik, ka qenë një situatë e krijuar para disa muajsh, e cila përfundoi. Ishte një situatë për pak kohë. Krimi ekonomik është një nga fushat prioritare, por rezultatet nuk janë aty ku duhet, mund të bëhet edhe më tepër. Dhe këtu nuk janë vetëm shërbimet e policisë gjyqësore, të cilat mund të luajnë një rol këtu. Shumë më gjerë sesa kaq, kanë një rol shumë të madh organet tatimore, doganat, etj. Ne nuk e kemi parë këtë angazhim, kemi një rënie sa u përket çështjeve me krimet në fushën e tatimeve, referimeve, ka një rënie të çështjeve që nuk është një shifër pozitive.

Jemi të gjithë dakord që mund të bëhet shumë më tepër në këtë drejtim. Strukturat tona janë të përkushtuara. I kemi le të themi njerëzit të cilët kanë qenë të angazhuar. Bashkëpunimi me policinë ka qenë pozitiv, mjaft i mirë, kemi gjetur gjuhën e përbashkët. Por kjo nuk është e mjaftueshme. Ka nevoijë për një punë shumë më të madhe edhe nga institucionet e specializuara dhe le të themi që prokurori vjen në fund të procesit kur vjen puna te krimet në fushën tatimore, te krimi ekonomik”, theksoi ai./ CNA.al





Lajmet e fundit nga