LEXO PA REKLAMA!

SHKARKO APP

Me shpejtësi “skëterrë”/ Policia ndëshkon me gjoba drejtuesit e mjeteve

6 Qershor 2023, 15:01, Aktualitet CNA

Me shpejtësi “skëterrë”/ Policia ndëshkon me

Policia Rrugore njofton pezullimin e 9 lejeve drejtimi dhe marrjen e 51 masave administrative gjatë monitorimit në orët e vona të mbrëmjes në aksin Farkë-TEG.

Shkak është konstatimi i shpejtësisë nga 151 km/h deri në 170 km/h, duke e tejkaluar maksimalen e lejuar në këtë segment e cila është  80 km/orë.

Blutë bëjnë me dije se 9 lejet e drejtimit janë pezulluar me afat 3 -12 muaj, ndërsa masat administrative kanë variuar nga 5 000 – 30 000 lekë të rinj.

“Vijojnë kontrollet dhe monitorimi i qarkullimit nga Njësia Operacionale e Policisë Rrugore në Drejtorinë e Përgjithshme të Policisë së Shtetit, në bashkëpunim me Komisariatin Rajonal të Policisë Rrugore, edhe gjatë natës, duke përdorur mjetet inteligjente.

Nga monitorimet me Poliscan, gjatë orëve të vona të mbrëmjes së djeshme, janë konstatuar shpejtësi nga 151 km/h deri në 170 km/h, në unazën lindore Farkë-TEG, ku shpejtësia maksimale e lejuar është 80 km/h.

Si rezultat janë pezulluar 9 leje drejtimi, për qarkullim me shpejtësi deri në 170 km/h, si dhe janë vënë 51 masa administrative: për shpejtësi mbi normën e lejuar; për shpejtësi dhe përdorim celulari; për shpejtësi dhe mosvënie të rripit të sigurimit; për shpejtësi, përdorim celulari dhe mosvënie të rripit të sigurimit, gjatë drejtimit të automjetit. 

9 lejet e drejtimit janë pezulluar me afat 3 -12 muaj, ndërsa masat administrative kanë variuar nga 5 000 – 30 000 lekë të rinj, sipas numrit të shkeljeve të kryera nga drejtuesi i automjetit.

Lajmet e fundit nga