LEXO PA REKLAMA!

SHKARKO APP

Kërkesa për rrëzimin e koncesionit të Butrintit/ Ja kur do të mbahet seanca e parë në “Kushtetuese”

6 Qershor 2023, 15:21, Aktualitet CNA
Kërkesa për rrëzimin e koncesionit të Butrintit/ Ja kur do
Foto ilustruese

Deputetja e Partisë Demokratike, Ina Zhupa, ka bërë me dije se më datën 15 qershor do të mbahet një seancë gjyqësore në Gjykatën Kushtetuese, në lidhje me rrëzimin e koncesionit të Butrintit.

Zhupa shprehet nëpërmjet një postimi në rrjetet sociale se në këtë nismë janë bashkë Presidenti i Republikës, Kontrolli i Lartë i Shteti dhe Avokati i Popullit.

Sipas deputetes, në anën tjetër është qeveria, e cila mbështet zbatimin e koncesionit.

“Ndaj me ju lajmin e mirë që seanca e parë publike për rrëzimin e koncesionit të Butrintit në Gjykatën Kushtetuese do jetë me datë 15 qershor, ora 10:00!

Kundër koncesionit na janë bashkuar me dekret/parashtrime/opinione Presidenti i Republikës, Kontrolli i Lartë i Shtetit, Avokati i Popullit, duke iu bashkuar qëndrimit tonë.

Pro koncesionit janë vetëm marrësi dhe dhënësi i Butrintit, qeveria dhe fondacioni.

Kam besimin e plotë se kjo padi nuk do trajtohet si çështje politike, por si çështje kombëtare, në mbrojtje të historisë, identitetit dhe trashëgimisë sonë kombëtare”, shkruan deputetja./ CNA.al

Lajmet e fundit nga