web counter
LEXO PA REKLAMA!

SHKARKO APP

App Store
Google Play

Arrestimi i Vangjush Dakos/ Flet avokati, dy rastet që akuzojnë ish-kryebashkiakun

6 Qershor 2023, 21:50, Aktualitet CNA

Arrestimi i Vangjush Dakos/ Flet avokati, dy rastet që akuzojnë

Pas vënies në pranga të ish-kryebashkiakut të Durrësit, Vangjush Dako, ka folur për mediat avokati i tij, Petrit Ismaili.

Në një prononcim për mediat nga Drejtoria e Policisë së Tiranës, avokati tha se ndaj Dakos është ngritur akuza shpërdorimit të detyrës për dy raste.

Ashtu siç raportoi edhe më parë CNA, Ismaili deklaroi se njëri rast lidhet me kallëzimin e banorëve të një pallati, i cili ishte shpallur i pabanueshëm nga Instituti i Ndërtimit.

Ndërsa rasti i dytë, sipas avokatit lidhet me një kallëzim të bërë nga ish-kreu i degës së PD-së së Durrësit, Ferdinand Xhaferri, në prag të zgjedhjeve 2021.

“Sapo u ekzekutua vendimi i gjykatës së shkallës së parë që vendosi arrest me burg për Dakon. Akuzat, është një, për shpërdorim detyre në dy raste, një kallëzim nga disa banorë të një pallati që pretendojnë se ka pasur shkelje, dhe një kallëzim në prag të zgjedhjeve të 2021, nga Ferdinand Xhaferri.

Kam qenë në brendësi të çështjes për akuzën e parë. Paraprakisht deklaroj se Prokuroria e Posaçme nuk po mban dot ekuilibër nën trysnin mediatike, politike apo ndërkombëtarëve dhe po merr masa për mendimin tim të nxituara”, tha ai./ CNA.al





Lajmet e fundit nga