E fundit!

16:16 Aktualitet

Faktet/ Pse Veliaj e vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Zgjedhjet mbaruan, inceneratorët vazhdojnë

15 Maj 2023, 15:59, Aktualitet CNA

Zgjedhjet mbaruan, inceneratorët vazhdojnë

Fotomontazh - Altin Dumani, në sfond inceneratori i Tiranës

Një proces elektoral që nxori minimunin historik të votuesve, socialistët e Ramës qartazi kanë fituar. Opozita duhet të shikojë problematikat e saj. Kjo ishte një humbje e dhimbshme, e paralajmëruar, për opozitën dhe një votë thuajse plebishitare dhe rikonfirmim për kryeministrin Rama, por zgjedhjet tashmë mbaruan.

Redaksionale/ Fitorja e paralajmëruar e Ramës dhe disfata e paturpshme e opozitës
14 Maj, 20:04

Flaka politike fillon dhe zbehet dhe njerëzit duan të shikojnë drejtësinë e shumëpritur, drejtësinë e reformës së nisur 8 vite më parë.

Zgjedhjet mbaruan, socialistët i fituan, por inceneratorët vazhdojnë, vazhdojnë të marrin para. Qëndrojnë ngrehinat në Fier dhe Elbasan, por nuk punojnë.

Fotomontazh - Mirel Mërtiri, "truri" i inceneratorëve

Në Tiranë nuk ka incenerator fare, sot 6 vjet pas firmosjes së kontratës koncesionare, kompania "Integrated Energy", fituesja e këtij koncesioni, nuk e ka ndërtuar inceneratorin.

Dokumenti - Duhet të kishin përfunduar/ 4 linjat e termovalorizatorëve në inceneratorin e Tiranës nuk janë ndërtuar ende
2 Maj, 15:46

Sipas kontratës dhe studimit të fizibilitetit, duhet të ndërtohej për 6 vite, ndërsa ende sot nuk është ndërtuar, pa folur më tej se kjo kompani ka ndryshuar disa herë aksionerët, të cilët fillojnë që te Klodian Zoto e tani përfundojnë te disa aksonerë italianë.

Mohimi i vazhdueshëm se nuk kanë lidhje me Stela Gugalljan, Mirel Mërtirin, Klodian Zoton e të tjerë, ndërkohë që kompania i ka pasur bashkëpunëtorë, konsulentë, nënkontraktorë e themelues e deri te detaji i “Limon Mango”-s, email-it ku kërkohet konfirmimi i administratorit të Tiranës. Kush fshihet pas “Limon Mango”-s do ta themi më tej, ditë pas dite.

Del email-i i kompanisë së inceneratorit/ Zbulohet Limon Mango dhe “fantazma” Mirel
28 Prill, 18:35

CNA ka mundur të sigurojë edhe dokumente të tjera ekskluzive në lidhje me kontratat e shitjes së aksioneve, kontrata të "shitjes me kusht", e të tjera si këto.

Dokumenti – E vërteta e madhe për inceneratorët/ Skema e kompanisë, “shitja me kusht” dhe mungesa e financimit
29 Prill, 14:11

Por SPAK-u nuk duhet të heshtë, zgjedhjet tashmë mbaruan, meqë ky institucion kërkoi të qëndronte larg debateve politike, tani ka ardhur koha t'i rikthehet punës.

CNA çdo ditë do t'i bëjë një letër publike SPAK-ut, Altin Dumanit, prokurorëve, në lidhje me çështjen e inceneratorëve. Le ta quajmë sot dita e parë pas zgjedhjeve.

Kreu i SPAK, Altin Dumani

Zoti Dumani ditën e hënë e ka ditë pune dhe duhet të ketë disa rezultate në lidhje me hetimet për inceneratorët.

Pse Altin Dumani, Dritan Prençi dhe Vladimir Mara nuk po hetojnë inceneratorin e Tiranës?
3 Maj, 16:52

Zoti Dumani duhet të na tregojë se nuk është një ministër i qeverisë, por një njeri që mbron qytetarët nga korrupsioni, një jurist i vërtetë, profesionist, së bashku me stafin e tij që do të na tregojnë të vërtetën e inceneratorëve.

Ne çdo ditë do t’i publikojmë, jo një, por më shumë shkrime, të cilat përveç fakteve dhe dokumenteve ekskluzive, do t’i kujtojnë zotit Dumani se ka ende media që qëndrojnë këtu përtej çdo shantazhi, sulmi apo akuze, përtej çdo kërcënimi, fyerje që vjen nga banda mediatike e grupit kriminal të inceneratorëve, deri ditën që do të zbardhet e vërteta.

Altin Dumani punon të shtunë, por ka 5 muaj pa bërë asnjë punë
2 Maj, 16:40

Do ta kujtojmë ditë pas dite zotin Dumani se ndoshta edhe ai i fundit ka nevojë për mbështetje dhe për kurajë për të zbradhur të vërtetën e korrupsionit të inceneratorëve që nuk fillon dhe mbaron aty ku duan ta vulosin banditët mediatikë, por fillon dhe mbaron te tufa e zyrtarëve të korruptuar dhe atyre që kërkojnë të fshihen në arrati./ CNA.al