web counter
LEXO PA REKLAMA!

SHKARKO APP

App Store
Google Play

Pezullohet përkohësisht numërimi në Kurbin

15 Maj 2023, 15:40, Aktualitet CNA

Pezullohet përkohësisht numërimi në Kurbin

Numërimi i votave në bashkinë Kurbin është pezulluar përkohësisht.

Lajmin e ka konfirmuar Komisioni Qendror i Zgjedhjeve, i cili njofton se numërimi do të rifillojë në orën 16:00.

KQZ i kërkon policisë të marrë masa që gjatë procesit të numërimit të jenë prezent në ambientet e vend numërimit të votave.

Vendimi i plotë:

Urdhër për pezullimin e procesit të numërimit të votave në KZAZ-në nr 15, bashkia Kurbin, në zgjedhjet për organet e qeverisjes vendore të datës 14 maj 2023.

Në mbështetje të pikës 1, shkronja “b”, dhe pikës 2, të nenit 19 dhe nenit 116/1 të Kodit Zgjedhor, të nenit 26, të Kodit të Procedurave Administrative, të vendimit nr. 23, datë 24.4.2023 “Për organizimin e punës në Vendin e Numërimit të Votave, radhën e veprimeve gjatë dorëzimit të materialeve zgjedhore, numërimit të votave dhe nxjerrjes së rezultatit të zgjedhjeve për zonën e administrimit zgjedhor, për zgjedhjet për organet e qeverisjes vendore” dhe të vendimit nr.12, datë 30.12.2020, “Për miratimin e rregullave të veprimtarisë së Policisë së Shtetit në shërbim të zgjedhjeve”,

Urdhëroj:

1. Pezullimin e procesit te numërimit në KZAZ nr.15, bashkia Kurbin deri në ora 16.00.

2. KZAZ nr.15 në bashkëpunim me Policinë e Shtetit të marri masa që gjatë procesit të numërimit të jenë prezent në ambientet e vend numërimit të votave vetëm anëtarët e KZAZ dhe sekretari, anëtarët e grupeve të numërimit, vëzhguesit e subjekteve zgjedhore, vëzhguesit e tjerë të akredituar, kandidatët dhe media, si dhe personeli teknik i autorizuar nga KQZ.

3. Ngarkohen KZAZ nr.15 dhe Policia e Shtetit për zbatimin e këtij urdhri.

 Ky urdhër hyn në fuqi menjëherë./ CNA.al





Lajmet e fundit nga