web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Berisha: Mërtiri, Zoto dhe Gugallja, 3 socialistë të thekur

14 Korrik 2023, 13:06, Politikë CNA
Afera e inceneratorëve/ Berisha: Mërtiri, Zoto dhe Gugallja, 3
Ish-kryeministri Sali Berisha

Ish-kryeministri Sali Berisha ngriti akuzat se qeveria shqiptare është organizatë kriminale dhe sipas tij kjo është e provuar.

Në një deklaratë për mediat Berisha pretendoi se çështja kamuflohet nga mediat, politikanët, analistët, dhe drejtësia si një sipërmarrje e Mirel Mërtirit, Klodian Zotos dhe Stela Gugalljas.

Ish-kryeministri i përshkroi ata si tre socialistë të thekur.

Berisha tha se inceneratorët janë ndërmarrje qeveritare e Edi Ramës dhe se Mirel Mërtiri dhe Klodian Zoto janë të punësuarit e tij.

Pjesë nga deklarata:

Çështja e djegësve është çështja që është trajtuar më shumë nga mediat, politika dhe e vërteta, edhe nga drejtësia këto vitet e fundit.

Por konstatoj se ka një defekt në themel, ka një devijim në themel të trajtimit të këtij problemi.

Së pari, duhet të shtrojmë një pyetje: pse qeveria shqiptare me djegësit është provuar organizatë kriminale?

Qeveria shqiptare është provuar organizatë kriminale, sepse në këtë aferë kanë firmat e tyre antiligjore kryeministri, Sekretari i Përgjithshëm, ministrat, drejtorët dhe punonjësit më poshtë.

Në këtë kontekst, siç është e qartë dhe evidente, tashmë e konfirmuar edhe nga drejtësia, se kemi të bëjmë me një aferë të mirëfilltë korruptive, këtu janë firmat e qeveritarëve më të lartë, me në krye Edi Ramën.

Por ka edhe diçka edhe më të madhe dhe unë jam këtu për të dytën. Mediat, politikanët, analistët, për fat të keq edhe drejtësia, flasin për aferën e djegësve si një sipërmarrje e Mërtirit, Zotot dhe së fundmi, Gugalles.

Sa është e vërtetë kjo? Nuk ka asgjë më larg të vërtetës sesa kjo.

Çfarë janë Mërtiri, Zoto dhe Gugallja? Janë tre socialistë të thekur, biznesmenë ose jo, të hurit ose të litarit, ose jo, të cilët në këtë proces, arrijnë:

-Të futen në garë të qeverisë duke pasur zero eksperiencë në fushën e mbetjeve. Cili biznesmen do i lejonte vetes një vendim të tillë, me zero eksperiencë në fushën e mbetjeve? Asnjë.

-Së dyti, pasi nisën procesin me tenderin e Elbasanit, Edi Rama lëshon një vendim për shpalljen e emergjencës kombëtare të plehrave. A mund të besoni ju se Mërtiri dhe Zoto, kishin fuqi të bindnin Edi Ramën të shpallte emergjencën?

Dy qëllime ishin: së pari shkelmimi i strategjisë së trajtimit të plehrave në landfille dhe seleksionime, të financuar nga BE. Së dyti, shpallja e emergjencës pasi fondet duhet të merreshin nga fondet e emergjencës. Mendoni ju se Mërtiri dhe Zoto mund të ishin kaq të magjishëm? Apo që qeveritarët ishin kaq budallenj?

Kjo dëshmon se ndërmarrja është qeveritare, ishte e Edi Ramës. Mireli dhe Klodiani ishin të punësuar privatë në ndërmarrje./ CNA.al





Lajmet e fundit nga