web counter
LEXO PA REKLAMA!

SHKARKO APP

App Store
Google Play

Tabaku, kritika mazhorancës/ “Të isha si ju do të ulja kokën, ju ka mbuluar turpi”

13 Korrik 2023, 14:04, Politikë CNA

Tabaku, kritika mazhorancës/ “Të isha si ju do të ulja

Deputetja e Partisë Demokratike, Jorida Tabaku, foli me tone të ashpra ndaj mazhorancës në Kuvend për akuzat e ngritura ndaj ish-zv.kryeministrit Arben Ahmetaj.

Tabaku tha se deputetët e PS-së duhet të ulin kokën dhe të kërkojnë ndjesë për aferën me inceneratorët dhe për përfshirjen e eksponentëve të saj.

Ajo deklaroi se Parlamenti ka një njollë të tmerrshme turpi për shkak të largimit te Ahmetajt nga Shqipëria.

“Çfarë ndodhi me sistemin që do perfeksioni ju? Unë të isha deputete socialiste do ulja kokën dhe do t'u kërkoja ndjesë shqiptarëve për 480 milionë euro që janë vjedhur dhe ju i mbroni. Sot duhet të fliste edhe ministrja e Financave që ka qenë edhe drejtoreshë e Tatimeve. Me çfarë fytyre vini këtu dhe na bëni ne sërish përgjegjës? Me çfarë morali e argumenti?

Me çfarë lartësie na flet sot Ulsi Manja për zgjedhjet që ka dosjen në prokurori? PS ka fituar me Rrahmanët e politikës dhe biznesit. Sot Parlamenti ka një njollë të tmerrshme turpi, e kanë pasur politikanët dhe sot e ka Kuvendi. Sepse sot numri dy në qeveri është arratisur me ndihmën tuaj. Ka ardhur momenti që të ndahen gjërat në politikë. Turp më të madh se e ka mbuluar parlamentin shqiptar e avokatët e korrupsionit më të madh, ato sot duhet të largohen me turp nga ky Parlament”, tha Tabaku./ CNA.al





Lajmet e fundit nga