web counter
LEXO PA REKLAMA!

SHKARKO APP

Berisha, akuza Spiropalit dhe Gjiknurit: Lajmëruat Ahmetajn që të largohej

13 Korrik 2023, 10:48, Politikë CNA

Berisha, akuza Spiropalit dhe Gjiknurit: Lajmëruat Ahmetajn që të

Ish-kryeministri Sali Berisha iu përgjigj Elisa Spiropalit dhe Damian Gjiknurit se anëtarë të qeverisë Rama e kanë lajmëruar Arben Ahmetajn që të largohet nga vendi para se të publikohej kërkesa e SPAK-ut për arrestimin e tij. 

"Ky është akti më i turpshëm, pasi ka vjedhur dhe vetëm vjedhur më të varfrit e Shqipërisë. Kreu aktin më të ulët të një hajduti ordiner. Faji kolektiv ekziston në doktrinë. Ua servirët shqiptarëve si njeriun e supersuksesshëm. Ju e informuat Arben Ahmetajn që të ikte. E përcolle ti Damian, Ahmetajn në Kakavijë?", iu drejtua ish-kryeministri Berisha deputetit socialist, Damian Gjiknuri.

Më herët, Ministrja për Shtetin, Elisa Spiropali, mbrojti në Kuvend kryeministrin Edi Rama duke theksuar se nuk ka lidhje me aferën e inceneratorëve dhe se nuk ndërhyn asnjëherë në çështjet e drejtësisë. 

Ministrja nënvizoi se "hajdutët të shkojnë aty ku e kanë vendin", duke nënkuptuar se nuk mbron Arben Ahmetajn, i cili është në arrati.

 





Lajmet e fundit nga