E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Besart Xhaferri: Arratia e Ahmetajt, amnisti për kryeministrin Rama

12 Korrik 2023, 15:12, Politikë CNA

Kryetari i FRPD-së, Besart Xhaferri, ngriti akuzat se arratisja e ish-zëvendëskryeministrit Arben Ahmetaj është bërë me ndihmën e kryeministrit Edi Rama.

Përmes një deklarate për mediat, Xhaferri tha se arratisja e Ahmetajt është amnisti për Ramën, i cili sipas tij është në krye të aferës së inceneratorëve.

Ndër të tjera, ai pretendon se nëse Ahmetaj do të bashkëpunonte me drejtësinë, gjysma e kabinetit qeveritar dhe kryetarëve të bashkive do të përfundonin prapa hekurave për korrupsion.

“Arben Ahmetaj për të cilin SPAK kërkon bekimin e Parlamentit për arrestimin e tij zyrtarisht është konfirmuar se është larguar jashtë vendit, e kjo nuk do ishte e mundur pa ndihmën e autoriteteve të rendit, që kishin detyrë mbikëqyrjen e tij dhe normal “autorizimin” e Edi Ramës.

Faktet për Arben Ahmetajn ishin kompromentuese, por nga prokurorët e SPAK e deri tek roja i Kryeministrisë, janë koshientë se i vetmi njeri që kishte pushtetin të vinte në jetë në aspektin procedural aferën e inceneratorëve është kryeministri Edi Rama dhe Ahmetaj këtë e ka pranuar edhe publikisht dhe përballë prokurorëve të SPAK.

Arratia e Arben Ahmetajt është amnisti për Kryeministrin Edi Rama, i cili është në krye të aferës së inceneratorëve.

Nëse Ahmetaj do bëhej bashkëpunëtor, gjysma e kabinetit qeveritar dhe kryetarëve të Bashkive do të përfundonin prapa hekurave për korrupsion.

Arratia e Arben Ahmetajt është një gur varri për drejtësinë e re dhe për autoritetet ligjzbatuese që dështuan të parandalonin largimin nga vendi të një njeriu që me korrupsionin e tij ka rrënuar buxhetin e shtetit dhe ka dhënë një ndihmë të madhe në plagën e shpopullimit.

Ahmetaj i la peshqesh drejtësisë së re dhe shtetit shqiptar, nja tre inceneratorë që nuk bëjnë incenerim, teksa milionat e korrupsionit i mori me vete.

Pa zgjedhje të lira nuk ka as demokraci dhe as shtet ligjor.”, nënvizoi Xhaferri./ CNA.al