web counter
LEXO PA REKLAMA!

SHKARKO APP

App Store
Google Play

Hysni Gurra: Arben Ahmetaj ndodhet në Greqi, a do ta këmbejë Rama me Fredi Belerin

11 Korrik 2023, 19:05, Politikë CNA

Hysni Gurra: Arben Ahmetaj ndodhet në Greqi, a do ta këmbejë Rama

CNA ka raportuar për largimin e ish-zv.kryeministrit Arben Ahmetaj nga territori i Shqipërisë, pasi SPAK kërkoi t’i hiqet imuniteti për ta arrestuar në lidhje me inceneratorët.

Për këtë çështje ka reaguar pasditen e sotme gazetari Hysni Gurra.

Përmes një shkrimi në rrjtet sociale, Gurra shprehet se ish-zëvendëskryeministri është arratisur drejt Greqisë, duke shfrytëzuar për sigurinë e tij raportet aktualisht jo të mira mes Shqipërisë dhe Greqisë.

Gazetari ngre pikëpyetje nëse Rama do t’i japë Greqisë kryebashkiakun e zgjedhur të Himarës, Fredi Belerin, në këmbim të Ahmetajt.

“Rama mes dy zjarresh

A do ta këmbejë Rama kokën e Fredi Belerit me kokën e Arben Ahmetajt?

Siç është konfirmuar tashmë, Arben Ahmetaj është “arratisur”. Dhe nuk ka shkuar në Dubai, ku Rama ka miq për kokë, por mund të ketë edhe ‘qitës’ për kokë, por ka shkuar në Greqi.

Ahmetaj është treguar i zgjuar, ka shkuar në Greqi, ka shfrytëzuar tensionet mes Ramës dhe Athinës zyrtare dhe nga ku mund t’i krijohen të gjitha kushtet që çdo natë të dalë në ndonjë TV grek dhe të fjalasë për padronin e tij.

Vetëm një gjë mund të mos ketë menduar mirë Ahmetaj, se Rama mund t’i japë grekut Fredi Belerin në këmbim të kokës së Ahmetajt.

Tani të shohim nëse Ramës i djegin më shumë pronat e Himarës apo e përvëlon informacioni që di Beni dhe mund t’ia nxjerrë në publik”, shkruan Gurra./ CNA.al





Lajmet e fundit nga