web counter
LEXO PA REKLAMA!

SHKARKO APP

App Store
Google Play

E fundit!

x

Sot mblidhet Këshilli i Mandateve/ Arben Ahmetaj do të përfaqësohet nga dy avokatët

11 Korrik 2023, 10:40, Politikë CNA

Sot mblidhet Këshilli i Mandateve/ Arben Ahmetaj do të

Sot në orën 16:00 pritet të mblidhet Këshilli për Rregulloret, Mandatet dhe Imunitetin për të shqyrtuar kërkesën e SPAK-ut për heqjen e imunitetit të deputetit Arben Ahmetaj.

CNA mëson se Arben Ahmetaj ndodhet jashtë vendit dhe në mbledhjen e sotme të Këshillit të Mandateve do të përfaqësohet nga avokatët Henrik Ligori dhe Ardian Visha. 

Sipas të dhënave zyrtare bëhet fjalë për një material voluminoz prej gati 400 faqesh që pritet të shpaloset sot nga SPAK-u në këtë komision. 

SPAK i dërgoi dje një dosje Kuvendit, ku kërkonte të hiqej imuniteti i deputetit të PS-së dhe ish-zv.kryeministrit, Arben Ahmetaj, për të bërë të mundur arrestimin e tij.

Kjo pasi SPAK-u ka ngritur 4 akuza ndaj Arben Ahmetajt, në lidhje me aferën e inceneratorëve. Në dosjen e zbardhur, thuhet se janë evidentuar 6 raste, ku ish-zv.kryeministri ka kryer korrupsion.

Struktura e Posaçme pretendon se deputeti socialist ka përfituar rreth 500 mijë euro gjatë viteve 2016-2020, nga “kokat” e inceneratorëve, Klodian Zoto dhe Mirel Mërtiri.

Dyshime janë ngritur edhe për vilën e sekuestruar në Hamallaj, e cila mund të jetë përfituar në mënyrë të tërthortë në vitin 2017.

Gjithashtu SPAK-u pretendon se Zoto dhe Mërtiri i kanë paguar Ahmetajt rreth 34 mijë euro bileta avioni dhe hotele gjatë viteve 2013-2017.

 





Lajmet e fundit nga