web counter
LEXO PA REKLAMA!

SHKARKO APP

App Store
Google Play

Zgjedhjet në Kuçovë/ Lefter Maliqi: Po fshihet dënimi penal në Greqi i Hajdarit

9 Korrik 2023, 13:37, Politikë CNA

Zgjedhjet në Kuçovë/ Lefter Maliqi: Po fshihet dënimi

Ish-kandidati i koalicionit “Bashkë Fitojmë” për Bashkinë e Kuçovës, Lefter Maliqi ka njoftuar se ditën e nesërme do të mbajë një konferencë për mediat së bashku me avokatët e tij në lidhje me shkeljet dhe parregullsitë zgjedhore që sipas tij kanë ndodhur në Bashkinë Kuçovë.

Përmes një shkrimi në rrjetet sociale Maliqi shprehet se ai do të paraqesë publikisht fakte dhe prova që sipas tij faktojnë krimin shtetëror dhe elektoral në  Bashkinë Kuçovë gjatë fushatës, ditën e votimit dhe të numërimit.

Ish-deputeti thotë se kryetari aktual i Bashkisë Kuçovë, Kreshnik Hajdari, nuk duhet të jetë në atë detyrë pasi është dënuar penalisht në Greqi por ky detaj po fshihet nga KQZ, KAS dhe KZ.

“Konferencë shtypi, nesër ora 10:00, bashkë me Avokatët. Fakte dhe prova mbi krimin shtetëror dhe elektoral në  Bashkinë Kuçovë gjatë fushatës, ditën e votimit dhe të numërimit. Kapja e institucioneve dhe vendimet politike të KQZ, KAS dhe Kolegjit Zgjedhor. Pse po mbahet në sirtar dhe po vonohet qëllimisht, fshehja e dënimit penal në Greqi, në prezenc të tij, në sallën e gjyqit, të Hajdarit, ‘pengut’ të Salillarit i cili nuk duhet të ishte as kandidat, e jo më Kryetar Bashkie, kur ligji se lejon. Kush fshihet pas këtyre krimeve shtetetërore, elektorale dhe abuzive? Çfarë interesash të mëdha fshihen?   Beteja vazhdon! S’ka kthim pas, deri në kthimin e Bashkisë Kuçovë tek qytetarët!”-shkruan Lefter Maliqi./ CNA





Lajmet e fundit nga