Gazment Bardhi zgjohet pas 3 ditësh/ Kërkon llogari për ngjarjen në Krujë

8 Korrik 2023, 16:56, Politikë CNA

Gazment Bardhi zgjohet pas 3 ditësh/ Kërkon llogari për ngjarjen

Kreu i Grupit Parlamentar të PD-së së vulës, Gazment Bardhi

Kreu i Grupit Parlamentar të PD-së së vulës, Gazment Bardhi është “zgjuar nga gjumi” 3 ditë pas sherrit në Krujë, ku pjesëtarë të fisit Rraja dhunuan barbarisht 2 anëtarë të fisit Maja.

Me anë të një shkrimi në rrjetet sociale Bardhi ka kërkuar llogari nga autoritetet, teksa shprehet se kjo ngjarje simbolizon gjunjëzimin dhe dështimin e shtetit përballë bandave me pushtet politik.

Sipas tij, dhuna në Krujë është thelbi i qeverisjes së Edi Ramës.

Deputeti thotë se ngjarja nuk mund të kalohet pa vënë përpara përgjegjësisë edhe ata që nuk vepruan, institucionet që kanë dhënë lejet e paligjshme dhe zyrtarët e Policisë së Shtetit që tentuan të fshehin dhe manipulojnë ngjarjen.

Ai shton se kjo ngjarje nuk mund të kalojë me përgjegjësi individuale apo familjare, por me përgjegjësi të plotë politike, duke nisur që nga Kryeministri Edi Rama.

Deklarata e plotë:

Ngjarja e rëndë e Krujës është thelbi i qeverisjes së Edi Ramës. Është po aq shokuese sa dhuna shtazarake e fisit Rraja, pafuqia e institucioneve për të vepruar dhe për të zbatuar ligjin.

Ngjarja në Krujë nuk është dështim i një deputeti si prind apo vlla, siç po tentohet të shitet, por gjunjëzim dhe dështim i shtetit përballë bandave me pushtet politik. Për shkak të këtij modeli qeverisës sot kemi disa oficerë policie në azil, që duhej të ishin në punë, për të ofruar rend e siguri për qytetarët, por nuk janë, janë larguar, sepse në përballjen që ata kishin me bandat, qeveria e Edi Ramës zgjodhi ti braktiste ata dhe të mbronte bandat me pushtet politik, siç tentoi të bënte edhe për këtë ngjarje 2 ditë më parë.

Qytetarët protestojnë prej ditësh se një gurore në pronësi të familjes së deputetit po dëmton shtepitë e një dhe ministrat e Edi fshati të tërë dhe institucionet fshihen, nuk veprojnë. Deputetët e opozitës kanë denoncuar një muaj më parë rastin në Parlament Ramës bëjnë sikur nuk dëgjojnë. Edhe sot nuk ka asnjë veprim nga institucionet përgjegjëse për të ndaluar veprimtarinë e paligjshme të atyre guroreve.

Qytetarët paraqiten të masakruar në Policinë e Shtetit, dhe drejtuesit e policisë jo vetëm nuk veprojnë, por kujdesen të thonë që ka shoqëruar disa familjarë të deputetit por i kanë lënë të lirë sepse gurorja është me leje. Veprimet e Policisë së Shtetit për arrestimin e personave erdhën vetëm pas publikimit të pamjeve shokuese të dhunës ndaj dy qytetarëve të pafajshëm.

Prandaj ngjarja nuk mund të kalohet pa vënë përpara përgjegjësisë edhe që nuk vepruan, institucionet që kanë dhënë lejet e paligjshme, zyrtarët e Policisë së Shtetit që tentuan të zyrtarët përgjegjës fshehin dhe manipulojnë ngjarjen. Ngjarja e rendë e Krujës nuk mund të kalohet me përgjegjësi individuale apo familjare, por me përgjegjësi të plotë politike, duke nisur nga arkitekti i këtij modeli qeverisës Edi Rama që qeverisë sipas parimit “merr dhe mbaj pushtet me krimin, dhe jepi pushtet në qeverisje pa kufi krimit./ CNA.al