web counter
LEXO PA REKLAMA!

SHKARKO APP

App Store
Google Play

E fundit!

x

Jep dorëheqjen deputeti Rrahman Rraja/ “Dështova si prind, jam i turpëruar”

8 Korrik 2023, 15:03, Politikë CNA
Jep dorëheqjen deputeti Rrahman Rraja/ “Dështova si prind, jam i
Deputeti i PS-së, Rrahman Rraja

Deputeti i PS-së, Rrahman Rraja ka dhënë dorëheqjen pas dhunës së ushtruar nga të afërm të tij ndaj dy personave në Krujë.

Me anë të një reagimi publik, Rrahman Rraja shprehet se ka dështuar si prind dhe se ndihet i turpëruar publikisht nga fëmija i tij.

Ai i kërkon ndjesë kryeministrit Edi Rama, kolegëve socialistë,  qytetarëve që e kanë mbështetur dhe personave të dhunuar.

Gjithashtu, deputeti i bën thirrje djalit të tij Rexhep Rraja të vetëdorëzohet.

“Nuk kam fjalë për ta shprehur sikletin karshi të gjithë atyre që më kanë besuar gjithë këto vite. Fatkeqësisht unë dështova si prind dhe ndjehem i turpëruar publikisht nga fëmija im. Ju kërkoj ndjesë shokëve dhe kolegëve të grupit parlamentar dhe deklaroj dorëzimin e mandatit të deputetit dhe tërheqjen time nga jeta politike. Ju kërkoj ndjesë atyre që më kanë dhënë votën prej vitit 2000 si kryetar komune dhe prej 2 mandatesh si deputet. Ju kërkoj ndjesë viktimave të asaj dhunë turpëruese për familjen time. I bëj thirrje djalit tim të dorëzohet para drejtësisë. Zoti më dhëntë forcë që ta përballoj këtë dhimbje të madhe dhe jetë që ta shlyej këtë turp që më la mbi shpatulla si gur im bir. Në fund mirënjohje dhe ndjesë edhe kryetarit të partisë dhe kryeministrit, i cili nuk më kishte asnjë borxh për këtë shqetësim kaq të madh publik që i shkaktova”, thekson Rrahman Rraja në deklaratë./ CNA.al





Lajmet e fundit nga